Filipenses 1:5 - Bible in Tzeltal de Oxchuc y Tenejapa

⁵ Yu'un ya jna' te bit'il jun nax ayotic ta spuquel te lec yach'il c'op ta xjajch'ibal ja' to ta ora to.

Nuevo Testamento Tzeltal de Amatenango

⁵ Yuꞌun jun nax jchꞌuunejtik te lekil achꞌ kꞌope ta slijkibal to tal asta te ora to.

Bible in Tzeltal Bachajón

⁵ yu'un te jmohlol jbahtic ta a'tel ta scuenta te lec yach'il c'op c'alal ta shahchibal c'alal ora ini.

Filipenses 1:5 Referans Kwoze

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

Filemón 1:17

Jich yu'un, teme quermano jbajtic ta swenta xch'uunjel co'tantic, ic'a me ta atojol, jich te bit'il ya awic'on te jo'one.

Filipenses 1:7

Ja' lec te jich ya jna'ex ta co'tan ta apisilic te melel ayex ta co'tan ya caiy. Melel pajal ay yutsil yo'tan Dios cu'untic ta jpisiltic. Manchuc teme chuculon li'to o teme ya quich' tejc'anel ta stojol te ajwaliletique, ya me xc'opojon yu'un te lec yach'il c'ope. Tey me ya cac' ta na'el a te ma lotil c'opuc stuquele.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

Efesios 3:6

Ja' bi ja' ta swenta te lec yach'il c'ope, te jyanlumetic pajal me ya yich'ic soc te judioetic te bila ya yac' te Diose. Jun nax sbaq'uetal ya me xc'otic ta spisilic, soc pajal me ya yich'ic te bila yaloj Dios ta swenta Cristo Jesús.

2 Corintios 8:1

Ta ora to, quermanotac, ya calbeyex awaiyic te bit'il chicnajix yutsil yo'tan Dios ta stojol te jch'uunjeletic te ayic ta sq'uinal Macedoniae.

Romanos 15:26

Yu'un te mach'atic ayic ta sq'uinal Macedonia soc ta sq'uinal Acaya, bin nax yo'tanic la stsobic taq'uin yu'un scoltayel te me'baetic te sjoinej sbaic soc te ch'ul lum yu'un Dios ta Jerusalén.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

2 Pedro 1:1

Jo'on Simón Pedroon, yabaton te Jesucristoe soc jpuc-c'opon yu'un. Ya jpatbeyex awo'tanic ja'ex te ay xch'uunjel awo'tanic, te jelawen yutsil jich te bit'il jch'uunejtique. Melel te Diose soc te Jcoltaywanej cu'untique, ja' te Jesucristoe, toj yo'tan stuquel.

Filipenses 2:12

Jich yu'un, quermanotac te bayal c'uxex ta co'tane, jich te bit'il la ach'uunbonic jmandal spisil ora te c'alal joinejex to ae, c'axem to xan ch'uunbonic me jmandal te bit'il q'uejel ayonixe. Ayuc me sc'oplal ta awo'tanic te acolelique. Xiwanic me, soc nijc'uc me awo'tanic.

1 Corintios 1:9

Puersa ya sc'otes ta pasel te bila yaloj te Diose, ja' te Mach'a la yiq'uex ta swenta te Snich'ane, ja' te Cajwaltic Jesucristoe.

Romanos 11:17

Te judioetic ay jich c'oemic bit'il sc'ab te olivo-te' te la yich' bojel loq'uel sc'abe. Te banti la yich' loq'uesele, la yich' ts'aquel ta sc'ab ja'mal olivo-te'. Ja'ex te la awich'ic ts'aquele. Jich jun c'oexix soc te yisim olivo-te'e. Jich la awich'beyic xcuxlejal te ts'unbil olivo-te'e.

Hechos 2:42

La yat'elinic snopel te bila la yaq'uic ta nopel te jpuc-c'opetique, jun nax yo'tan la yaiy sbaic ta spisilic. Soc la stsobilay sbaic ta swe'el waj soc ta sc'oponel Dios.

Romanos 12:13

Q'uebanbeya abiluquic teme ay bila ma'yuc yu'un te mach'atic ch'ul lum yu'un te Diose. Binuc nax me awo'tan xawiq'uic ochel te mach'a ya xtal yilate.

Filipenses 1:12

Quermanotac, ya jc'an te ya ana'ic stojol te bila pasbilon ta ora to. Ja'uc me to, ja' ya scoltayon xan ta yalel te lec yach'il c'ope.

Filipenses 1:16

Ay mach'atic ya spucbeyic sc'oplal Cristo ta swenta xc'uxul yo'tanic, yu'un sna'ojic stojol te ja' chuculon yu'un te ya xc'opojon yu'un te lec yach'il c'ope.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

Filipenses 2:22

Te ja'exe awilojiquix te bi yilel yutsil yo'tan te Timoteoe. Jich bit'il jnich'an c'oem te la scoltayon ta at'el soc la sjoinon bael ta xcholel te lec yach'il c'ope.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.