Filipenses 1:21 - Bible in Tzeltal de Oxchuc y Tenejapa

²¹ Melel te bit'il cuxulone, ja' ta swenta te Cristoe. Teme ya xlajone, ja' jganar ya xc'ot.

Nuevo Testamento Tzeltal de Amatenango

²¹ Porke te tutꞌil kuxulone, jaꞌ ta skuenta te Cristoe; y teme chamone, jich la jpas ganar a.

Bible in Tzeltal Bachajón

²¹ como ha jcuxlejal te Cristo, soc teme ya xchamon, ha jganar.

Filipenses 1:21 Referans Kwoze

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

2 Corintios 5:8

Ayix smuc'ul co'tantic yu'un, soc co'tanticuc te ya quijq'uitaytiquix jilel ta nainel in jbaq'uetaltic to. Yu'un jich me ya xba join jbatiquix soc te Cajwaltique.

2 Corintios 5:1

Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

Filipenses 1:23

Ta xchebal ma xju' cu'un ya caiy te ya jtsae. Jich co'tan te ya xlajonixe swenta jich ya xba joinix te Cristoe, yu'un ja' mero lec ya caiy te jichuc ya xc'otixe.

Colosenses 3:4

Ja' acuxlejalic te Cristoe. Jich te c'alal ya xchicnaj tele, tey me ya xchicnajex soc a. Jich me ya ajoinic tey a ta bay nojel te yutsilale.

2 Corintios 5:6

Jich yu'un ay smuc'ul co'tantic spisil ora. Melel jna'ojtic stojol te ma ba ayotic ta mero jnatic te jayeb xan c'aal jnainejtic in jbaq'uetaltic to, yu'un ma to ayucotic ta bay te Cajwaltique.

Filipenses 1:20

Ja' nax bayal sc'oplal ta co'tan te manchuc ayuc bila ya jta q'uexlal yu'un, soc te jamaluc co'tan ya xc'opojon jich nix te bit'il ayon tel spisil orae. Jich me c'axem to xan ya x'ich'ot ta muc' ta jwenta te Cristoe. Chican teme ya to xcuxinone, o teme tey ya xlajonix ae.

Apocalipsis 14:13

Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Filipenses 2:21

Yan te yantique spisilic baem nax yo'tanic ta sleel te bila ya sc'an yo'tan stuquelique. Xujt' ma'yuc sc'oplal ta yo'tanic te bila ya sc'an yo'tan te Cristo Jesuse.

1 Corintios 3:22

manchuc me Pablo, manchuc me Apolos, manchuc me Pedro, soc te balumilale, te cuxinele, te lajele, te bitic ay ta ora to, soc te bitic ya xchicnaj bael ta patile. Spisil in to, awu'unic.

Filipenses 1:22

Teme cuxulon xan bael ta q'uinal soc te jbaq'uetale, ya to xju' ya xmuc'ub xan yat'el Dios ta jwenta, jich ma xju' cu'un stsael ya caiy.