Filipenses 1:16 - Bible in Tzeltal de Oxchuc y Tenejapa

¹⁶ Ay mach'atic ya spucbeyic sc'oplal Cristo ta swenta xc'uxul yo'tanic, yu'un sna'ojic stojol te ja' chuculon yu'un te ya xc'opojon yu'un te lec yach'il c'ope.

Nuevo Testamento Tzeltal de Amatenango

¹⁶ Te machꞌatik sok skꞌuxul yoꞌtanik ya yalbeyik skꞌoplal te Cristoe, yuꞌun snaꞌojbeyik sluwar te Dios la yakꞌon liye yuꞌun ya kal ta jamal te skꞌoplal kolele.

Bible in Tzeltal Bachajón

¹⁶ Ha'ic ini ya spasic ta scuenta sc'uxul yo'tanic, yu'un sna'ojic te ac'bilon li'i yu'un ya xc'opojon yu'un te lec yach'il c'ope.

Filipenses 1:16 Referans Kwoze

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

Filipenses 1:12

Quermanotac, ya jc'an te ya ana'ic stojol te bila pasbilon ta ora to. Ja'uc me to, ja' ya scoltayon xan ta yalel te lec yach'il c'ope.

Filipenses 1:10

Jich me ya xju' awu'unic stsael spisil ora te bila lec ta pasele, jich me ma'yuc amulic te cuxulex ta q'uinale, soc ma'yuc bi quechel ta awentaic a te c'alal ya xtal te Cristoe.

Filipenses 1:7

Ja' lec te jich ya jna'ex ta co'tan ta apisilic te melel ayex ta co'tan ya caiy. Melel pajal ay yutsil yo'tan Dios cu'untic ta jpisiltic. Manchuc teme chuculon li'to o teme ya quich' tejc'anel ta stojol te ajwaliletique, ya me xc'opojon yu'un te lec yach'il c'ope. Tey me ya cac' ta na'el a te ma lotil c'opuc stuquele.

Salmos 69:26

Melel ya snutsic te mach'a la awac'beyix wocol ta stojol; soc ya stse'lubeyic xc'uxul te mach'a ejch'entesbil awu'une.

Job 6:14

Teme ay ta wocol te jo'taque, ya me yich' c'uxtayel, manchuc me ma junuc yo'tan ta stojol te Mach'a c'ax bayal yu'ele.

Job 16:4

Te ja'uquex c'oem ta atojolic te bila ay ta jtojol, jich nix ya xju' ya xc'opojon te bit'il ya xc'opojex te jichuque; ya jimulay jol, ya jlabanex te jichuque, ya jbusanbeyex ta alel ta atojolic bayal c'opetic te jichuque.

1 Corintios 9:17

Jich yu'un, teme ya jpas ta spasemal co'tane, la jtaix jmajt'an abi. Teme scaj utel ya jpase, yu'un nanix ac'bilon ta jwenta spasel yu'un a te Diose.

Filipenses 1:5

Yu'un ya jna' te bit'il jun nax ayotic ta spuquel te lec yach'il c'op ta xjajch'ibal ja' to ta ora to.

Filipenses 2:22

Te ja'exe awilojiquix te bi yilel yutsil yo'tan te Timoteoe. Jich bit'il jnich'an c'oem te la scoltayon ta at'el soc la sjoinon bael ta xcholel te lec yach'il c'ope.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Filipenses 4:15

Melel ana'ojic stojol te ja'exe, filipoetic, ma'yuc yan jch'uunjeletic te la scoltayon a te c'alal jajch' ta puquel te lec yach'il c'ope. Ja'ex nax atuquelic te la aticunbonic jcoltayel te c'alal la quijq'uitay jilel te sq'uinal Macedoniae.