Filipenses 1:11 - Bible in Tzeltal de Oxchuc y Tenejapa

¹¹ Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.

Nuevo Testamento Tzeltal de Amatenango

¹¹ Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Bible in Tzeltal Bachajón

¹¹ te nojelex ta sit yu'un te bintic stojil ta pasel te ya xtal ta scuenta Jesucristo, scuenta yutsilal soc yalbeyel yutsil sc'oblal te Diose.

Filipenses 1:11 Referans Kwoze

Hebreos 12:11

Melel te tojobtesel ya quich'tique, ma bujts'anuc ya caiytic soc c'ux ya caiytic te c'alal ya quich'tique. Ja'uc me to, ta patil ya me sitin ta swenta te bila leque, soc lamal q'uinal ya yaiy yu'un te mach'a ya xch'uun tojobtesele.

San Juan 15:8

Jich ya xchicnaj yutsilal te Jtate teme bayal ya sitinexe. Jich me jnopojelex cu'un ta melel abi.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

Filipenses 4:17

Ma yu'unuc ja' nax ay sc'oplal ta co'tan te ya jta jmajt'ane. Ja' bayal sc'oplal ta co'tan te yacuc x'esmajuc sit ta atojolique.

Colosenses 1:6

Ja' nix in c'op to te julemix ta atojolique, ta ora to pujq'uemix ta bayuc ta spamal te balumilale. Yaquix ta sit ta bayuc, jich te bit'il jajch' sitinuc ta awolilic uuc ja'ex te c'alal la awaiyic stojol te bit'il ay yutsil yo'tan cu'untic ta mero melel te Diose.

Romanos 6:22

Yan ta ora to, colemex ta libre yu'un te mulile. Ja' ayexix ta abatinel yu'un te Diose. Ja' me sit ya ataic a te bit'il yanyanex ta lecubele, soc ta slajibal, ja' te cuxlejal sbajt'el q'uinale.

Isaías 61:11

Jich me te bit'il ya xmuc'ub te'etic ta lumq'uinal, soc te ya xpulinic te'etic ta yawil, ja' nix me jich ya xc'ot yu'un Cajwaltic te tsalaw ya spase; ya me xc'ajinic spisil nacionetic yu'un ta yalel wocol.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

2 Tesalonicenses 1:12

Jich me ya x'ich'ot ta muc' sbiil a te Cajwaltic Jesucristoe. Soc jich me ay bayal yutsil ac'oplalic yu'un uuc ta swenta yutsil yo'tan te Dios cu'untique soc uuc te Cajwaltic Jesucristoe.

Efesios 5:9

Melel te sit ya yac' te Espiritue ja' te yutsil co'tantique, soc te bila toje soc te bila melele.

Efesios 1:14

Te Ch'ul Espiritue, ja' seña te bila ya yac'botic quich'tic te Diose te c'alal ju'ix yu'un scoltayel spisil te mach'atic yu'une, swenta yu'un jich me ya jc'ajintaybeytic te yutsilale.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

1 Pedro 4:14

Teme ta scaj te ach'uunejic Cristo te ayex ta bolc'optayele, bin nax me awutsilic yu'un, te melel xojobajem ta atojolic te yutsilal te Espíritu yu'un te Diose. Amen sc'oplal yu'unic te Diose; yan te ja'exe, lec sc'oplal awu'unic stuquel.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Efesios 1:12

Yu'un jich la sc'an yo'tan te Diose, swenta yu'un te jo'otic te neel la jch'uuntic te Cristoe, ya me calbeytic te smuc'ul yutsilale te jayeb c'aal cuxulotique.

2 Corintios 9:10

Dios ya yac'bey yawal te mach'a ya yaiy awale, soc ya yac'bey waj swe'. Ja' nanix jich ya me yac'beyex spisil te bila ya sc'an awel awu'unique, soc ya me yesmantesbeyex te sit awawal-ats'unubique, swenta yu'un jich me ya xju' awu'unic te bayal ya awaiy coltaywanej ta stojol te yantique.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Isaías 60:21

“Spisil te alumale lec me yo'tanic ya xc'ot; ja' me yajwalic sbajt'el q'uinal te alumale. Ja' spulic te te' te jo'onix la jts'un jtuquele; ja' te at'el la jpas soc te jc'abe, yu'un jich ya cac' ta ilel te cutsilale.

Salmos 1:3

Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

Isaías 5:2

La swuy te lum, la sloq'ues te tontiquil, soc la sts'un ts'usubetic ta bay tsabil ta leque. Ta yolilal ta bay ts'unbil te ts'usube la spas jajch'el toyol sts'ajc' swenta iljibal q'uinal, soc la xchajbanbey yawil ta bay ya yich' pits'el loq'uel te ya'lel ts'usube. Te mach'a jun co'tan jba soque yac ta smaliyel te ya xchi'uc te sit ts'usube; ja'uc me to, te sit la yaq'ue, pajic.

Romanos 15:28

Jich yu'un, teme laj co'tan ta yijq'uitayel jilel te majt'anile, tey me ya xjajch'onix ta beel ta España abi, soc ya me xc'ax quilex te ja'exe.

Tito 3:14

Te mach'atic pajal jch'uunejtic Dios soque ac'a me snopic spasel te bila leque. Ya sc'an ya xc'uxtayic te mach'atic ay yo'bolil sbaic ta q'uinale, swenta yu'un ma tojoluc cuxul ta q'uinal te mach'atic xch'uunejic te Diose.