Filipenses 1:10 - Bible in Tzeltal de Oxchuc y Tenejapa

¹⁰ Jich me ya xju' awu'unic stsael spisil ora te bila lec ta pasele, jich me ma'yuc amulic te cuxulex ta q'uinale, soc ma'yuc bi quechel ta awentaic a te c'alal ya xtal te Cristoe.

Nuevo Testamento Tzeltal de Amatenango

¹⁰ Yuꞌun jich ya anaꞌik stꞌujel sil tiempo te tut leke, sok jich ya xjuꞌ xkuxuyinex ta jun kuxlejal te ben sakubene, y maꞌyuk tut ay ta makel a te kꞌalal ya sujt tal te Cristoe.

Bible in Tzeltal Bachajón

¹⁰ scuenta yu'un hich yac atsahic a te bin lec, scuenta yu'un mayuc awa'baquilic soc mayuc bin quechel ta acuentahic a ta yorahil sc'ahc'alel te Cristo,

Filipenses 1:10 Referans Kwoze

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

1 Tesalonicenses 3:13

Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.

1 Tesalonicenses 5:23

Dios, te lamal q'uinal ta swentae, ts'acal ac'a me yutstesex. Soc ya me swentainbeyex spisil te acuxlejale: te awo'tane, te ach'ulele soc te abaq'uetale, swenta yu'un ma me ayuc bila quechel ta awentaic a te c'alal ya xchicnaj tel te Cajwaltic Jesucristoe.

Romanos 2:18

Soc ana'oj te bila ya sc'an yo'tan te Diose. Soc p'ijubtesbilat yu'un te mandalile, jich ya ana' tsael te bila lec ta pasele.

Efesios 5:10

Tsajtaya me awil te bila lec yo'tan yu'un te Cajwaltique.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

Filipenses 1:6

Xch'uunej co'tan te Dios ya sju'tes te lequil at'elil te la sjajch'es ta pasel ta awo'tanic, ja' to te bi ora ya xtal te Jesucristoe.

1 Tesalonicenses 5:21

Tsajtayaic me spisil te sc'opique, soc ac'a me ta awo'tanic ta bay leque.

1 Corintios 1:8

Ja' me ya yac'beyex yip awo'tanic, ja' to c'alal ta slajibal c'aal. Jich me ma'yuc amulic ya xjul staex te Cajwaltic Jesucristoe.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

San Juan 1:47

Te Jesús la yil te Natanael te yac ta talel ta stojole. Jich la yal: —Ja' mero israel-winic in to, te ma'yuc lo'laywanej ta yo'tane —xi' sc'oplal yu'un.

San Mateo 16:23

Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

Josué 24:14

—Ja' yu'un ya calbeyex, ich'aic ta muc' te Cajwaltique, soc ac'a abaic ta abatinel ta stojol soc yutsil awo'tanic ta mero melel. Ijq'uitayaic te diosetic yu'un te antiguo ame'-atatic, te la xch'uunic ta ti'ti'ja' Éufrates soc ta sq'uinal Egipto. Ja' xawac' abaic ta abatinel ta stojol te Cajwaltique.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

Romanos 12:9

C'ux me x'awaiy abaic ta melel. Ilayaic te bila amene; ja' me x'at'unic te bila leque.

Romanos 8:7

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

San Mateo 26:33

Te Pedro jich la yal: —Manchuc teme spisilic ya xpejc'aj yo'tanic ta atojol, yan te jo'one ma ba ya xpejc'aj co'tan jtuquel —xi'.

Miqueas 3:2

Ja'uc me to, ya awilayic te bay leque; soc ja' lec awo'tan yu'un te bila amene. Ya aloq'uesbeyic snujc'ulel c'oem te lum cu'une; soc chajal ya awijq'uitaybeyic te sbaquele.

Job 34:3

Te jchiquintic ya sna' stsajtayel te c'opetique, jich nix te bit'il quetic ya sna' te bila ay sbujts'e.

Job 12:11

Te chiquinil ya yaiy te bit'il ay te c'opetique; ja' nix jich te quejtique, ya yaiybey sbujts' te bila ay sbujts'e.

Génesis 20:5

Melel la yalbon te Abraham te ja' yijts'in te antse, soc jich nix la yal te ants te ja' sbanquil ta sc'ope. Jich yu'un jun co'tan, ma'yuc mulil ta co'tan te c'an quiq'ue —xi'.

Filipenses 1:16

Ay mach'atic ya spucbeyic sc'oplal Cristo ta swenta xc'uxul yo'tanic, yu'un sna'ojic stojol te ja' chuculon yu'un te ya xc'opojon yu'un te lec yach'il c'ope.

Efesios 6:24

soc ac'a yac'beyex bayal yutsil yo'tan ta apisilic te c'ux ya awaiyic ta awo'tanic te Cajwaltic Jesucristoe, te xujt' ma xyanaj stuquel te sc'uxul yo'tane. Jichuc.

Efesios 4:15

Ja' ya sc'an te ya jt'untic bael te smelelil c'op ta swenta xc'uxul co'tantic, ya sc'an ya xch'iotic jpisiltic ta stojol te mach'a jolol cu'untique, ja' bi ja' te Cristoe.

Gálatas 5:11

Jich yu'un, quermanotac, te yu'unuc ya to cac' ta ch'uunel te circuncisione, ma'yucon ta uts'inel yu'un judioetic te jichuque. Soc ma swentauc cojchinjibal ta stojolic te bit'il ay ta alel ta bayuc te laj ta cruz te Cristo te jichuque.

2 Corintios 8:8

Ma yu'unuc ya calbeyex mandal. Ja' nax ya jc'an te ya ana'ic stojol te bit'il toyol yo'tanic te yantique, swenta yu'un tey me ya jna' a teme ay xc'uxul awo'tanic ta mero melele.

2 Corintios 6:3

Ya jtsajtay jbatic te ma'yuc mach'a ya cac'tic yaluc jtuluc cu'untique, swenta ma me ayuc mach'a ya yalbey amen sc'oplal te bit'il quich'oj cat'eltique.

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

1 Corintios 10:32

Ma me ayuc mach'a ya awac' yaluc jtuluc te ja'exe, ni ja'uc te judioetique, ni ja'uc te jyanlumetique, ni ja'uc te jch'uunjeletic yu'un te Diose.

1 Corintios 8:13

Jich yu'un teme ya cac' yaluc jtuluc quermano ta swenta te jwe'ele, ja' lec te ma me jti' te milbil majt'anile, swenta yu'un ma ba ya jyales a te quermanoe.

Romanos 16:17

Quermanotac, ya calbeyex xan wocol: Ila me abaic yu'un te mach'atic ya yaq'uic xatomba soc te ya sc'an ya xyaleswanic soc te ya scontroinic te bila ach'uunejic te ac'botex anopic ta apisilique. Ma me xajoin abaic soc.

Romanos 7:22

Ta mero yutil te co'tane, bin nax co'tan yu'un te mandalil yu'un te Diose.

Romanos 7:16

Te bila ma jc'an ya jpase, ja' ya jpas, jich ya jna' stojol te bit'il lec te mandalile.

Hechos 24:16

Ja' swentail te spisil ora ya jtsajtay jba ta stojol Dios soc ta stojol ants-winiquetic, swenta yu'un ma me jta jmul ta stojolic.

San Juan 3:20

Melel spisil te mach'a ya spas te bila amene, ya sp'aj te saquil q'uinale. Melel ma xtalic ta bay te saquil q'uinale, yu'un ma sc'anic te ya xchicnaj ta ilel te bila amen yacalic ta spasele.

Filipenses 2:16

Jich yu'un q'ueja me ta awo'tan te sc'op Dios swenta cuxinele. Jich me bin nax co'tan awu'unic ta stojol Cristo te c'alal ya xtale, melel jna'oj te ma tojoluc te beenone soc ma tojoluc te la cac' jwocol ta at'el ta atojolique.