Filemón 1:24 - Bible in Tzeltal de Oxchuc y Tenejapa

²⁴ Soc uuc te Marcose, te Aristarcoe, te Demase, soc te Lucas te sjoinejon ta at'el ta spisilique.

Nuevo Testamento Tzeltal de Amatenango

²⁴ Y jich euk te jMarcos sok Aristarco sok Demas sok Lucas te ya skoltayikon ta aꞌtele.

Bible in Tzeltal Bachajón

²⁴ Soc xcoltanucat laj yu'un te Marcos, Aristarco, Demas soc te Lucas, te jmohloltac ta a'tel.

Filemón 1:24 Referans Kwoze

Colosenses 4:14

Soc te Lucase te doctor te bayal c'ux ta co'tantique ya sticunbeyex spatjibal awo'tanic uuc, soc jich nix uuc te Demase.

Colosenses 4:10

Te Aristarco te sjoinejon li'to te banti ayon ta chuquele, ya sticunbeyex spatjibal awo'tanic. Soc jich nix uuc te Marcose te snich'an stajun Bernabé. Te ja'exe la calbeyex mandal te bila ya sc'an ya apasic ta stojol te Marcose. Jich yu'un teme ya xba yilexe, junuc me awo'tanic ya awic' ta atojolic.

Hechos 19:29

Jich jajch'ic ta c'op spisil te lume. La sten ochel sbaic ta bay yawil muc'ul tsoblej yu'un te lume, soc la stsaquic te Gayo soc Aristarco te macedonia-winiquetic te sjoy sbaic ta beel soc te Pabloe.

Hechos 12:12

Te bit'il la sna'ix te bila c'ot ta pasele, bajt' ta bay sna María te sme' te Juan te Marcos yan sbiile, ta banti stsoboj sbaic bayal ta jtul te jch'uunjeletic ta sc'oponel te Diose.

Hechos 27:2

Ay jun barco julem ta lum Cesarea te talem ta lum Adramitio te ya xbajt'ix c'alal ta bay te lumlumtic te ayic ta ti'ti'mar ta sq'uinal Asia. Tey ochotic bael a, soc sjoinejotic bael uuc te Aristarco te talem ta lum Tesalónica te ay ta sq'uinal Macedonia.

Hechos 12:25

C'alal ju' ta pasel yu'unic te yat'elic ta Jerusalén, te Bernabé soc te Sauloe sujt'ic bael ta Antioquía, soc la yic' bael sjoinic te Juan te Marcos yan sbiile.

3 Juan 1:8

Jich yu'un jo'otic te jch'uunejtic te Diose, ya sc'an ya jwentaintic scoltayel, swenta yu'un jich ya jcoltaytic ta at'el ta xcholel te smelelil c'ope.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Filipenses 2:25

Soc la jnop te puersa la jticunbeyex tel te quermanotic Epafrodito, te joy ta at'el soc ta tsalwaneje, te ja' la aticunic tel yu'un te ya yac'bon te bila ya xtuun cu'une.

2 Corintios 8:23

Jich bit'il te Titoe, ja' joy jba ta at'el soc ta atojolic. Soc te cheb xan quermanotactique, ja'ic ticunbilic yu'un spisil te jch'uunjeletic li'to, soc ja' yac'ojic ta ich'el ta muc' te Cristoe.

Hechos 13:13

Te Pablo soc te sjo'taque, ochic ta barco ta lum Pafos. Jich bajt'ic ta lum Perge te ay ta sq'uinal Panfilia. Tey ijq'uitayotic jilel yu'un a te Juane. Sujt' bael ta Jerusalén stuquel.

1 Pedro 5:13

Te jch'uunjeletic te ay ta Babilonia te pajal tsabilex yu'un te Diose, soc te Marcose, te jnich'an c'oem ta co'tane, ya sticunbeyex spatjibal awo'tanic uuc.