Filemón 1:14 - Bible in Tzeltal de Oxchuc y Tenejapa

¹⁴ Ja'uc me to, ma jc'an te jich ya jpas teme ma jichuc awo'tan te ja'ate. Ja' ya jc'an te spasemal awo'tan ya acoltayone, ma ja'uc te ya jsujate.

Nuevo Testamento Tzeltal de Amatenango

¹⁴ Pero ma jkꞌan jpas teme ma to jichuk ya skꞌan awoꞌtane. Yuꞌun te tut paworil ya apasbone, ya jkꞌan te ma me sujeluk, sino ke ta spꞌejel awoꞌtan.

Bible in Tzeltal Bachajón

¹⁴ Pero ma jc'an te hich ya jpas teme ma hichuc awo'tan, scuenta yu'un te coltayel awu'un ma sujeluc yac awa'iy, pero hich sc'anojel awo'tan.

Filemón 1:14 Referans Kwoze

2 Corintios 9:7

Juju-jtul ac'a yac' te jich yipal snopoj ta yo'tane. Ma me socuc mel-o'tan te ya yaq'ue, soc ma me sujbiluc te ya yaq'ue, melel ja' c'ux ta o'tanil yu'un Dios te mach'a bin nax yo'tan ya yaq'ue.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

2 Corintios 9:5

Ja' swentail te la jnop te ya sc'an ya calbey wocol te ya xneelaj bael yilex te quermanotactique, te jich me ya scoltayex ta stsobel spisil te coltayel awalojic te ya awaq'uique. Jich me tsobilix awu'unic ya xc'o jtatic te coltayele. Jich me ya xchicnaj te bit'il yutsil awo'tanic ya awaq'uic soc te ma sujbiluquex cu'untique.

2 Corintios 8:12

Melel te mach'a toyol yo'tan te ya yaq'ue, lec ya yil te Diose te jich yipal ya xju' yu'un ya yaq'ue. Ma ba c'ax jich ya xc'anbotic a te bila ma'yuc yu'unique.

2 Corintios 1:24

Ma yu'unuc ya jc'an jsujtiquex te bila ya sc'an ach'uunic te ja'exe, melel ayix yip te xch'uunjel awo'tanique. Ja' xanix te ya jcoltayex ta at'el te ja'exe, swenta yu'un jich me ya ata sbujts' awo'tanic.

1 Corintios 9:17

Jich yu'un, teme ya jpas ta spasemal co'tane, la jtaix jmajt'an abi. Teme scaj utel ya jpase, yu'un nanix ac'bilon ta jwenta spasel yu'un a te Diose.

Salmos 110:3

Te lum awu'un bin nax yo'tan ya yac' sba ta ac'ab te bi c'aalil ya awaiy tsalawe. Ta sba te ch'ul witstiquil, jich bit'il ts'ujul ya xchicnaj te yac ta sacubel tel te q'uinale, jich me c'oem a te aqueremil te yanyan ta ach'ubel jujun c'aale.

1 Corintios 9:7

¿Ay bal jtuluc soldado te ja' ya stoj stuquel te bila ya xtuun yu'une? ¿Ay bal mach'a ya sts'un ts'usub te ma ba ya stuuntesbey te site? ¿Soc ay bal mach'a ya smac'lin chijetic te ma ba ya xtuun yu'un te sleche?