Éxodo 9:7 - Bible in Tzeltal de Oxchuc y Tenejapa

⁷ Te faraón la sticunbey ta ilel xchamsbalamic te israeletique, ma'yuc bay lajem jcojt'uc. Ja'uc me to, ma la yac' loq'uel te israeletique, la xcha'tulantes te yo'tane.

Bible in Tzeltal Bachajón

⁷ Te faraón la sticon ta ilel, pero ma ba cham ni jcohtuc chambahlam yu'un te snich'nab Israel. Pero tulanub yo'tan te faraón, ma ba la yac' loq'uel te pueblo.

Éxodo 9:7 Referans Kwoze

Éxodo 7:14

Te Cajwaltic la yalbey xan te Moisés: —Te faraón tulanajemix te yo'tane. Ma sc'an xyac' loq'uel te alumale.

Éxodo 8:32

Ja'uc me to, te faraón cha'tulanaj xan te yo'tane, ma la yac' bael te israeletique.

Romanos 9:18

Jich yu'un ja' chican yo'tan stuquel te Dios te mach'a ya xc'uxtaye, soc ja' chican yo'tan te mach'a ya yac' tulanubuc yo'tane.

Daniel 5:20

Pero c'alal noj ta yo'tan toybail, soc te tulan la yac' sba ta scaj te stoybaile, la yich' pojbeyel te yipe, soc te yutsil sc'oplal ta muc' ajwalile.

Isaías 48:4

Melel jna'oj stojol te mero tulan te awo'tanique, te jich tulanex bit'il hierro, ma xju'ex ta puxel jichuc bronce.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Job 9:4

Te Diose mero muc' yu'el soc mero bayal sp'ijil stuquel. ¿Mach'a ya xju' ya stejc'an sba ta stojol te libre ya xloc' tele?

Éxodo 9:12

Ja'uc me to, te Cajwaltic la stulantesbey xan yo'tan te faraón. Jich ma ba la yich'beyic ta muc' sc'opic te Moisés soc Aarón, jich bit'il albil yu'un Cajwaltic te Moisese.

Éxodo 7:13

Ja'uc me to, manchuc me la yil te faraón, la stulantes te yo'tane. Ma la sc'an la yaiy stojol te c'ope, jich nix bit'il la yal te Cajwaltique.

Éxodo 9:8

Te Cajwaltic, jich la yalbey xan te Moisés soc te Aarón: —Jopaic bael ta ac'abic te stanul horno, swenta yu'un te Moisés ya me sbujq'uiy moel ta toyol ta stojol faraón.

Éxodo 3:19

Ya jna' ta lec te ma xyac'at loq'uel te ajwalil yu'un Egipto ja' to teme ya yich' sujel.