Éxodo 9:34 - Bible in Tzeltal de Oxchuc y Tenejapa

³⁴ Ja'uc me to, te c'alal la yil te faraón te ma'yuquix te ja'al, bat soc te chawuque, ja' nix jich ay smul c'ot. Melel ma ja'uc nax stuquel tulanaj te yo'tane, jich uuc te sjo'tac ta ajwalile.

Bible in Tzeltal Bachajón

³⁴ Pero te c'alal la yil te faraón te quehchaj te ha'al, te bat soc te chahwuc, la sta xan smul, la stulanubtes yo'tan soc te a'batetic yu'une.

Éxodo 9:34 Referans Kwoze

Éxodo 7:14

Te Cajwaltic la yalbey xan te Moisés: —Te faraón tulanajemix te yo'tane. Ma sc'an xyac' loq'uel te alumale.

Eclesiastés 8:11

melel te bit'il ma ba la yich' castigo ta ora yu'un te bila amene, ay me mach'a ja' ya xbajt'ix yo'tan ta spasel te bila amene.

2 Crónicas 36:13

Soc la stoy sba ta stojol Nabucodonosor te la yac'bey yal ta jamal ta stojol Dios te ya sjoin sba soque, soc mero tulan la yac' sba ta jyalel te ma la sc'an la sujt'es yo'tan ta stojol te Cajwaltic te Dios yu'un te Israele.

2 Crónicas 33:23

Ja'uc me to, ma la spejc'an sba ta stojol Cajwaltic, jich bit'il la spas te state, ja' nax bajt' ta yo'tan stsobel te mulile.

2 Crónicas 28:22

Te bit'il la sta uts'inel te Acaz; ja'uc me to, cha'toy xan ta bolobel yo'tan ta stojol te Cajwaltique. Awaiy bit'il ay yo'tan te muc' ajwalil Acaz.

Éxodo 8:15

Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

Éxodo 9:33

C'alal loc' bael Moisés ta lum, te loc' bael ta stojol te faraón, la stoy sc'ab ta sc'oponel te Cajwaltique. Jich ora nax a com te bat soc te ja'ale. Jich ch'ay c'axel te chawuque.

Éxodo 9:35

Te faraón jich tulanaj xan te yo'tane, ma la yac' loq'uel te israeletique, jich bit'il yalojbey Cajwaltic te Moisese.

1 Samuel 6:6

¿Bi yu'un te mero tulan ya awac' abaic, te pajalex soc egipcioetic soc te faraón yu'unique, te ja' to la yaq'uic loq'uel a te israeletic te c'alal ac'botic tulan castigo?