Éxodo 9:29 - Bible in Tzeltal de Oxchuc y Tenejapa

²⁹ Te Moisés la sjac': —Ja' nax teme loc'on bael a ta lume, ya me jtoy jc'ab ta sc'oponel te Cajwale. Jich me ya xcom te bat soc te chawuque. Pero tey me ya ana' a te spamal q'uinal ja' yu'un te Cajwale.

Bible in Tzeltal Bachajón

²⁹ Hich la sjac' te Moisés: Teme loc'on bahel ta pueblo, ya jtoy jc'ab ta stojol Jehová, ya xquehchaj te chahwuc soc ma ba ya xtal xan bat, scuenta yu'un hich yac ana' a te ha yu'un Jehová te q'uinale.

Éxodo 9:29 Referans Kwoze

1 Corintios 10:26

Melel spisil te bitic ay ta balumilale, ja' yu'un stuquel te Cajwaltique.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

Salmos 143:6

Ya jtoy moel jc'ab ta atojol; taquejemix co'tan yu'un te ma jtaate, jich c'oemonix ya caiy te bit'il taquin lume.

1 Reyes 8:38

aiybeya me sc'op jiche spisil mach'atic ya sc'oponat soc ya xbic'taj ta atojol, mach'auc a, o ta spisil te lum Israel awu'une, te c'alal ya yil teme ay swocole, teme ay bi c'ux obol sba yu'une, teme ya stoy tel sc'ab ta sc'oponbelat ta stojol te templo in to, aiybeya me c'alal ta ch'ulchan. C'alal ta banti nainemat, pasbeya me te perdón, coltaya, ac'a c'otuc ta swentaic awu'un chican te bi yilel te bila spasojique, melel ja'at nax ana'oj te bila xchapoj ta yo'tan soc te bit'il ay te yo'tan te ants-winiquetique.

1 Reyes 8:22

Patil te Salomón la stejc'an sba ta stojol te scajtijib ta chiq'uel smajt'an Cajwaltic ta scomonsitil ta xchajbal spisil te israeletique. La stoy moel sc'ab ta ch'ulchan,

Deuteronomio 10:14

Na'aic me te ja' yu'un te Cajwaltic Dios te ch'ulchan soc te mero stoyolile, te lumq'uinal soc spisil te bitic ay tey a.

1 Corintios 10:28

Yan teme ay mach'a la yalbeyexe: “Ja' in ti'bal to, ja' milbil smajt'an te loc'ombaetic”, teme xie, ta scaj te la yalbat ta jamal, ma me xati', swenta yu'un ma me xjin yo'tan yu'un. [Melel spisil te bitic ay ta balumilale, ja' yu'un te Cajwaltique.]

Salmos 135:6

Te Cajwaltic ya spas spisil te bitic ya smulan spasel, ja' nix jich ta ch'ulchan, soc ja' nix jich ta balumilal, jich nix ta mar, soc ja' nix jich ta sc'ubulil mar.

Salmos 50:12

Te ayuc jwi'nale, ma ja'ucat ya calbat te jichuque, melel te balumilale jo'on cu'un, soc cu'un te bitic ay tey ae.

Job 11:13

Nopa ta awo'tan te toj ya awaq'uix aba, c'opojan ta yalel wocol ta stojol Dios.

Esdras 9:5

Jich ora jajch' xan ta lecubel q'uinal la caiy te bit'il mero pejc'aj q'uinal la caiye. Ja' to nix jlapoj a te jc'u' jatsemique, jajch'on ta sc'oponel te Cajwaltic te Dios cu'une,

Éxodo 19:5

Jich yu'un teme ya awaiybonic spisil jc'op, soc teme ya awich'bonic ta muc' te trato cu'une, mero lumex me cu'un, te ma'yuc yan lumetic ya spajex, melel ja' cu'un spamal te balumilale.

Éxodo 9:33

C'alal loc' bael Moisés ta lum, te loc' bael ta stojol te faraón, la stoy sc'ab ta sc'oponel te Cajwaltique. Jich ora nax a com te bat soc te ja'ale. Jich ch'ay c'axel te chawuque.

Éxodo 8:22

Te c'alal ya xc'ot ta pasel, ma ba ya cac' xc'ot ta Gosén, te banti ay te lum cu'une. Ma'yuc jcojt'uc ja ya xc'ot tey a. Jich me ya ana' a te ja' Ajwalilon jtuquel te joinej te lume.

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Éxodo 8:6

Jich yu'un te Aarón la stoy bael te sbastone ta stojol te ja'etique. Jich loq'uic tel te xch'uch'etique. Noj yu'unic ta spamal Egipto.