Éxodo 9:27 - Bible in Tzeltal de Oxchuc y Tenejapa

²⁷ Jich te faraón la sticun ta iq'uel te Moisés soc Aarón. Jich la yalbey: —La jna'ix te jo'on ta jmule. Ja' jmul soc te jlumale, ma yolojuc te Ajwalil ya awale.

Bible in Tzeltal Bachajón

²⁷ Ha yu'un te faraón la sticon ta iq'uel te Moisés soc Aarón, hich la yalbe: Yo'tic la jtahix jmul. Te Jehová ha toj stuquel, yan te ho'on soc te jlumale chopolon soc.

Éxodo 9:27 Referans Kwoze

Lamentaciones 1:18

Te Cajwaltic stojil la spas, melel la jtoy jba ta stojol te mandaliletic yu'une. Aiya awaiy ta apisilic, lumetic; ila awilic te jwocole. Te queremetic ach'ixetic cu'une, ic'otic bael ta mosoil.

Salmos 129:4

pero te Cajwaltic, te toj yo'tan stuquel, scoltayejon ta sc'abic te mach'atic amen yo'tanique.

2 Crónicas 12:6

Te jtsobwanejetic yu'un Israel soc te muc' ajwalile c'ot ta yo'tanic te bi la yal, jich la spejc'an sbaic: —Melel ni xyal a te Cajwaltique —xiic yu'un.

Éxodo 10:16

Te faraón ora la sticun ta iq'uel te Moisés soc Aarón, jich la yalbey: —La jta jmul ta stojol te Awajwalic te Dios awu'unique, soc ta atojolic.

Salmos 145:17

Te Cajwaltic stalel toj yo'tan stuquel, yat'elinej c'uxtaywanej.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

Romanos 2:5

Ja'uc me to, c'ax tulan te awo'tane, yu'un ma ba asujt'esej te awo'tane. Jich yac ta toyel xan castigo ta atojol te quechel ya sta sc'aalelal castigoe. Tey ya xchicnaj a te Dios ya yal ta jamal te stojil te chajbanel yu'une.

San Mateo 27:4

Jich la yal: —La jtaix jmul, melel la caq'uix ta malel xch'ich'el te mach'a ma'yuc smule —xi'. Ja'uc me to, albot yu'unic: —Ma jwentatiquix te jo'otique. Ayix ta awenta atuquel —la yutic.

Daniel 9:14

Ja' yu'un Cajwal, la achajban te bila amene, la awac' tel ta jtojoltic. Melel te ja'at Cajwal, Dios cu'untic, stojil ay stuquel spisil te bitic ya apase, pero jo'otic ma ba la jc'an caiytic te amandale.

Números 22:34

Te Balaam la sjac'bey sc'op te ch'ul abat yu'un te Cajwaltique: —Jtaoj jmul. Ma la jna' teme ja'at amacojbon te jbee. Teme ma lecuc ya awaiy te ya xboone, ya me sujt'on bael —xi'.

1 Samuel 26:21

Te Saúl jich la yal: —David, jnich'an, ya jna'ix te la jtaix jmule. Jichon ya caiy te bit'il sonso, mero bayal falta jtaoj. Pero la', sujt'anix tel, ma ba ya jlebatix awocol. Melel nax la awac'bonix quil te awich'ojbon ta muc' te jcuxlejale —xi'.

1 Samuel 15:24

Patil te Saúl la yalbey te Samuel: —Melel nix a, la jta jmul. Melel la jc'axintaybey te smandal te Cajwaltic soc nix te ac'ope. Scaj te ja' la jxi' stuquel te winiquetique, ja' yu'un la quich'bey ta wenta te sc'opique.

Salmos 9:16

Te Cajwaltic la yac' sba ta na'el te bit'il yaiyojix chajbanwanej ta stojolic. Te mach'a amen, chucul ya xjil, ja' nix te syac xchajbanej stuquele.

1 Samuel 15:30

La yal xan te Saúl: —La jta jmul. Wocoluc, ich'awon ta muc' jich nix te bit'il muc' ajwalilon a, jich me ya yilic te mamaletic yu'un Israel soc ta spisil te jlumaltique. Ja' yu'un, sujt'ucotic bael, swenta yu'un ya me xba jch'uuntic te Cajwaltic te Dios awu'une —xi'.

Éxodo 8:8

Te faraón la sticun ta iq'uel te Moisés soc Aarón, jich la yalbey: —C'opona te Awajwalique, ac'a sq'uejbon bael ta jtojol te xch'uch'etique, soc ta stojol te jlumale. Ya cac' loq'uel te alumale, ac'a ba yac'beyic smajt'an te Awajwalique —xi'.

Éxodo 8:25

Te faraón la sticun ta iq'uel te Moisés soc te Aarón, jich la yalbey: —Baanic ac'beyaic milbil smajt'an te Dios awu'unique, pero ma xloq'uex bael ta jq'uinal —xi'.

Éxodo 10:17

Jich yu'un ya me calbeyex wocol, pasbonic perdón yu'un te jmule, ma ba ya jpasix. C'oponbonic a te Ajwalil te Dios awu'unic te ya sq'uejbon bael te lajel ta jtojole —xi'.

Números 21:7

Jich yu'un bajt'ic ta stojol Moisés, la yalbeyic: —La jta jmultic ta sbolc'optayel Cajwaltic soc ta atojol te ja'ate. C'anbeya te Cajwaltic te ya sq'uejbotic bael te chanetique —xiic. Te Moisés la sc'anbey Cajwaltic te yacuc spasbey perdón te israeletique.

Josué 7:20

Te Acán la sjac': —Melel nix a, ya cal ta jamal te jtaoj jmul ta stojol te Cajwaltic te Dios cu'untic te israelotique. Ja' la jpas in to:

2 Samuel 12:13

Te David jich la yal ta stojol te Natán: —La jta jmul ta stojol te Cajwaltique —xi'. Jac'bot yu'un Natán, jich la yal: —Te Cajwaltic la spasbatix perdón yu'un te amule, ma ba ya xlajat yu'un.