Éxodo 9:24 - Bible in Tzeltal de Oxchuc y Tenejapa

²⁴ Te bat soc te chawuque mero ma ba quejch'aj. Ta namey ma'yuc bay chicnaj tel sc'oplal te ay bat la yac' tel jich bit'il tulan la yaq'ue.

Bible in Tzeltal Bachajón

²⁴ Tal bat, soc ay c'ahc' capal soc te bat, mero niwac, mayuc hich c'axem ta spahmal sq'uinal Egipto ta shahchibal talel.

Éxodo 9:24 Referans Kwoze

San Mateo 24:21

Ya me xtal bayal woclajel, te ma'yuc bay jich c'oem ta pasel ta xjajch'ibal to tel balumilal, soc ta ora to, soc ta patil bael.

Éxodo 10:6

Ya me snojesbat te amuc'ul palacio soc te snaic te ajo'tac ta ajwalile, soc ta spisil snaic te alumal te ma'yuc bay jich la yilic a te ame'-atatic soc te amamique, te chicnajic tel te namey ja' to ta ora to”, xi' te Diose —xi' te Moisés. C'alal laj yo'tan ta c'op te Moisés, sujt' tel ta ora. Loc' bael ta stojol faraón.

Éxodo 9:23

Te Moisés la stoy moel te sbastone. Te Cajwaltic la yac' tel chawuc, tsantsewal soc bat ta lumq'uinal. Jich tal bat ta spamal Egipto.

Éxodo 9:18

Lec ay, te pajele jich bit'il ora to, ya me xch'ay coel tel muc'ul batetic te ma'yuc bay yac'oj ta spamal Egipto.

Éxodo 9:25

Te bate la sjec te bitic ay ta aquiltic ta spamal Egipto. Ejch'enajic te ants-winiquetic, soc te chambalametic, soc spisil te te'etic ta spamal te q'uinale, soc la sjecbey sc'ab te yawal-sts'unubic.

Ezequiel 13:13

Ja' yu'un jo'on Ajwalilon jich ya cal: Ta swenta quilimba ya cac' taluc buen tulan ic'. Ta swenta sc'ajc'al co'tan, ya cac' taluc buen tulan yic'al ja'al, soc ya xch'ay coel tel bat jichuc tonetic. Yu'un jich me ya xlaj spisil ta swenta sc'ajc'al co'tan.

Job 38:23

te yu'un ya jticun ta yorail woclajel, ta yorail te jajch'em c'op soc te c'alal jajch'em guerrae?

Salmos 18:13

Te Cajwaltic te Toyol ta jyalele, c'alal ta ch'ulchan tulan c'opoj, pajal soc sc'op chawuc. Ay batetic, soc ac'aletic te tsajuben ta c'ajc'.

Salmos 105:32

Ma la sticun ja'al, ja' la sticun bat, soc tsantsewal te ya xlem ta banti sq'uinalic;

Isaías 30:30

Te Cajwaltic ya me yac' ta aiyel stojol sc'op te bayal yipe; ya me yac' ta ilel yu'el te ya x'at'ej soc yilimba te xiweltic sbae, soc c'ajc' te xpulpun nax ta tilel te ya xlajinwane, soc chawuc, ja'al soc bat.

Ezequiel 1:4

Jich ora la quil yac ta talel buen tulan sutu-ic' ta norte. La quil yac ta loq'uel tel c'ajc' ta jun muc'ul tocal yilel, pajal soc tsantsewal, ta sjoyobal ay buen tulan xojobil. Ta yolil te c'ajq'ue ay bila tey a, pajal soc bronce te buen xch'ulete.