Éxodo 9:23 - Bible in Tzeltal de Oxchuc y Tenejapa

²³ Te Moisés la stoy moel te sbastone. Te Cajwaltic la yac' tel chawuc, tsantsewal soc bat ta lumq'uinal. Jich tal bat ta spamal Egipto.

Bible in Tzeltal Bachajón

²³ Hich te Moisés la stoy mohel te snahbate'; te Jehová la yac' tal chahwuc soc bat, soc co tal c'ahc' ta lumq'uinal. Te Jehová la yac' tal bat ta spahmal sq'uinal Egipto.

Éxodo 9:23 Referans Kwoze

Salmos 18:13

Te Cajwaltic te Toyol ta jyalele, c'alal ta ch'ulchan tulan c'opoj, pajal soc sc'op chawuc. Ay batetic, soc ac'aletic te tsajuben ta c'ajc'.

Josué 10:11

C'alal yacalic ta coel bael ta stojol Bet-horón te amorreoetic te ayic ta anel yu'un te israeletique, te Cajwaltic la yac' tel c'alal ta ch'ulchan muc'ul batetic, jich bit'il ton jul ta sjolic. Ja' c'axem to xan bayal lajic yu'un a te bit'il la smilic ta puñal te israeletique.

Isaías 30:30

Te Cajwaltic ya me yac' ta aiyel stojol sc'op te bayal yipe; ya me yac' ta ilel yu'el te ya x'at'ej soc yilimba te xiweltic sbae, soc c'ajc' te xpulpun nax ta tilel te ya xlajinwane, soc chawuc, ja'al soc bat.

Apocalipsis 8:7

Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Salmos 148:8

te chawuc soc te bat, te toib soc te tocale, te chawuquil ic'al ja'al te ya xch'uunbey te mandaletic yu'une.

Salmos 77:18

Chicnaj sc'op chawuquetic awu'un ta sutu-ic'; te tsantsewaletic sacub balumilal yu'un; jich uuc te lumq'uinal yuq'uilayot yu'un nijq'uel.

Salmos 29:3

Te sc'op Cajwaltic ya xchicnaj ta aiyel ta sba mar; te Dios jelawen yutsil ya st'omes chawuc; te Cajwaltic ay ta sba sjamalul te mare.

Apocalipsis 16:21

Soc ch'ay coel ta ch'ulchan niwac bat te ay cha'winic (40) kilo yalal te juju-jp'ije. Te ants-winiquetique la stoybac'optayic Dios yu'un te muc'ul bate, te melel c'ax tulan te castigoe.

Éxodo 20:18

Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.

Éxodo 19:16

C'alal sacub q'uinal ta yoxebal c'aal, chicnaj tel tsantsewaletic soc chawuc, soc mero pimil tocal te jul ta sba te witse. Tulan a jajch' ta oq'uel te xulubiletic. Spisil te lum te ay ta scampamentoique, nijq'uic yu'un xiwel.

Apocalipsis 16:18

Jich xlemlajan nax jajch'el tsantsewal, soc ay bila bayal yac ta bul sc'op, soc tal tulan chawuc, soc nijc' te balumilale. C'ax jich nicot te bit'il yantic nijq'uel c'axemix tel te jayeb c'aal ayiquix tel ta balumilal te ants-winiquetique.

Génesis 19:24

Te Cajwaltic la yac' tel azufre soc c'ajc' ta ch'ulchan jich bit'il ja'al ta stojol te lum Sodoma soc te lum Gomorra.

Éxodo 9:18

Lec ay, te pajele jich bit'il ora to, ya me xch'ay coel tel muc'ul batetic te ma'yuc bay yac'oj ta spamal Egipto.

Éxodo 9:24

Te bat soc te chawuque mero ma ba quejch'aj. Ta namey ma'yuc bay chicnaj tel sc'oplal te ay bat la yac' tel jich bit'il tulan la yaq'ue.

Job 37:13

Ta spisil in to ya xtuun yu'un Dios swenta yaq'uel castigo te lumq'uinale, o yu'un ya yac'bey yil a te yutsil yo'tane.

Salmos 147:17

Ja' ya sticun tel te bat; te siquile, ¿Mach'a ya xcujch' yu'un?