Éxodo 9:22 - Bible in Tzeltal de Oxchuc y Tenejapa

²² Te Cajwaltic, jich la yalbey te Moisés: —Toya moel ac'ab ta spamal Egipto, ya me xtal bat ta stojol ants-winiquetic soc chambalametic soc te yawal-sts'unubic ta sq'uinal te egipcioetique —xi'.

Bible in Tzeltal Bachajón

²² Te Jehová hich la yalbe te Moisés: Toya mohel ac'ab scuenta yu'un ya xtal bat ta spahmal sq'uinal Egipto, ta stojol ants-winiquetic, chambahlametic soc spisil bintic ya xcol ta sq'uinal Egipto, xchi.

Éxodo 9:22 Referans Kwoze

Apocalipsis 16:21

Soc ch'ay coel ta ch'ulchan niwac bat te ay cha'winic (40) kilo yalal te juju-jp'ije. Te ants-winiquetique la stoybac'optayic Dios yu'un te muc'ul bate, te melel c'ax tulan te castigoe.

Éxodo 8:16

Te Cajwaltic la yalbey xan te Moisés: —Albeya te Aarón ac'a stoy te sbastón, ac'a smajbey stanul te lume, swenta yu'un ya me xc'atp'ujic ta us ta spamal Egipto —xi' te Diose.

Éxodo 8:5

Te Cajwaltic jich la yalbey te Moisés: —Albeya te Aarón ac'a stoy bael sc'ab soc te sbastone ta stojol te ja'etique, ta bay bebeja'etic soc pamal ja'etic. Ya me xloq'uic tel tey a te xch'uch'etic te ya snojesic spamal te Egipto —xi' te Diose.

Éxodo 7:19

Te Cajwaltic la yalbey xan te Moisese: —Albeya te Aarón ac'a stoy bael sbastón ta stojol te ja'etique: te bebeja'etic, pamal ja'etic, estanqueetic ta spamal sq'uinal Egipto te ay ja'etic tey a. Spisil me ya xc'atp'ujic ta ch'ich'. Soc ya me xc'atp'ujic ta ch'ich' spisil te ja'etic te pasbilic yawil ta te' soc te ay pasbilic ta ton —xi' te Cajwaltique.

Éxodo 9:21

Te yantic te ma'yuc sc'oplal c'ot ta yo'tanic, jilic ta yol q'uinal.

Éxodo 10:21

Te Cajwaltic, jich la yalbey te Moisés: —Toya moel ac'ab ta spamal Egipto, ya me x'ijc'ub q'uinal. Mero ijc' q'uinal me ta jyalel, mero ma me xchicnaj q'uinal —xi' te Diose.

Josué 10:11

C'alal yacalic ta coel bael ta stojol Bet-horón te amorreoetic te ayic ta anel yu'un te israeletique, te Cajwaltic la yac' tel c'alal ta ch'ulchan muc'ul batetic, jich bit'il ton jul ta sjolic. Ja' c'axem to xan bayal lajic yu'un a te bit'il la smilic ta puñal te israeletique.