Éxodo 9:16 - Bible in Tzeltal de Oxchuc y Tenejapa

¹⁶ Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Bible in Tzeltal Bachajón

¹⁶ Pero ta smelelil la jcac' cuxajucat scuenta yu'un ya xchicnaj cu'el ta acuenta, soc scuenta yu'un ya yich' puquel bahel ta spahmal q'uinal te jbihile.

Éxodo 9:16 Referans Kwoze

Romanos 9:17

Te melel jich ts'ibubil jilel sc'oplal ta Sjun Dios te Faraone: “La cac'at ta muc' ajwalil swenta yu'un jich ya cac' ta ilel cu'el ta awenta, soc swenta yu'un ya me xpujc' jc'oplal ta spamal balumilal”, te xie.

Proverbios 16:4

Te Cajwaltic la xchicnantes spisil, yu'un ay swentail ta yo'tan; ja' nix jich la xchicnantes te mach'a amen yo'tane, swenta yu'un ya yich' castigo ta slajibal c'aal.

Salmos 64:9

Jich spisil ants-winiquetic ya yich'ic ta muc' te Diose, soc ya me yalic te bitic yat'el spasoje; ya sna'beyic swentail te bila spasoj stuquele.

1 Crónicas 16:24

Alaic spisil ora te yutsilal soc te bitic chajp spasoje, albeyaic spisil te lumetic soc spisil te nacionetique.

Éxodo 14:17

Te jo'one ya jtulantesbey yo'tanic te egipcioetique, jich me ya snutsex. Ja'uc me to, tey me ya cac'bey yil cu'el a te faraón soc spisil te soldadoetic yu'un te ayic ta carreta soc ta caballoetique.

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.

1 Pedro 2:8

Soc ja' sc'oplalic xan te bit'il ts'ibubil jilele: “Ja' te ton swenta c'ojch'injibal soc te ton ya syaleswane”, te xie. Melel ya syalesotic ta scaj te ma xyich'beyic ta muc' te sc'ope. Yu'un nanix namey jich albil sc'oplalic yu'un Dios a.

Romanos 9:22

Ja' nanix jich uuc te Diose. La sc'an yo'tan te ya yac' ta ilel te ja' ya yac' castigo stuquel soc te ya xpujc' sc'oplal te yu'ele. Jich bayal ja'wil la sts'icbey sbolilic te mach'atic chapal sc'oplalic ta yich'el castigo te ya xbajt'ic ta ch'ayele.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Éxodo 18:11

Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

1 Pedro 2:19

Teme ay jowil nax ya yac'beyex c'axuc awocolic te awajwalique, lec me ya yaiy ta yo'tan te Diose teme ya sts'ijc' awu'unique ta scaj te ach'uunejique.

Malaquías 1:14

Ch'aybil me ya xc'ot te mach'a ya xlo'laywan te ya yal ta jamal te lec ayic ta sc'op te xchamsbalam te ya xtal smilbonic te bolobene. Jo'on te muc' Ajwalilon, jo'on xi'bilon yu'un spisil te nacionetic —xi' te Cajwaltic te Spisil ya xju' yu'une.

1 Samuel 4:8

Puersa me ay jwocoltic ya xc'ootic. ¿Mach'a ya xju' ya scoltayotic loq'uel ta sc'ab te Dios mero bayal yu'ele? Ja' te la yac'bey castigo egipcioetic ta jochol taquin q'uinal, te jayebuc ta jchajp castigoetic la yac'bey c'otuc ta swentaique.

Éxodo 9:15

Te lajuc cac'bat awil te cu'el ta yac'belat castigo ta tulan chamel a te ja'at soc te alumale, ma'yucatix ta q'uinal te jichuque.

Éxodo 9:17

Ja'uc me to, ya to atoyilay aba ta stojol te lum cu'une te bit'il ma xawac' loq'uele.

Nehemías 9:10

Mero muc' señail soc jchajp at'eliletic la apasbey swenta scontroinel faraón, ta stojolic te abatetic yu'une, soc ta spisilic te yajwal te slum-sq'uinale, melel la ana' te peq'uel ta sitic te israeletic soc stoyoj sbaic ta stojol. Jich chicnaj te yutsil smuc'ul ac'oplal te ay ta ora in to.

Salmos 76:10

Te yilimba winic ya xc'atp'uj ta yutsil ac'oplal; manchuc me mero jxujt' te yilimbae ya xc'atp'uj ta acorona.

Salmos 106:8

Ja'uc me to, Dios la scoltay soc la yac'bey sna'bey sba yu'el, swenta yu'un ya x'ac'ot ta ich'el ta muc' yu'un a.

Jeremías 32:20

Ja'at la apas jchajp at'eliletic soc señailetic ta Egipto, soc ja' nix jich yacat ta spasel yo'tic ta stojol Israel soc ta yolilal spisil te ants-winiquetique. Ja' me swentail te c'ax pujq'uemix ta jyalel te ac'oplale.

Ezequiel 39:21

“Jich me ya cac' ta ilel jxojobil cutsilal ta stojol jyanlum nacionetic. Ta spisil me nacionetic ya yilic bit'il la jchajban, soc bit'il la cac'bey castigo.

Números 14:21

Ja'uc me to, te jo'on ya cal ta jamal, soc ya me xc'ot ta pasel te bila ya cale. Ja' prueba yu'un ta atojolic te cuxulon ya awilic, soc te nojel ta q'uinal te yutsilal jxojobile.

Josué 4:24

Jich yu'un ya me sna'ic spisil lumetic ta balumilal te bayal yu'el te Cajwaltique, soc te ja'exe ya me awich'ic ta muc' te Cajwaltic te Dios cu'untic sbajt'el q'uinal”, utaic me —xi' te Josué.

2 Samuel 7:23

Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

2 Reyes 19:35

Ja' nix ta yorail ta ajc'ubal a, te ch'ul abat yu'un Cajwaltic, bajt', c'o smil jo'eb slajunwinic ta jmil (185,000) soldadoetic ta scampamento asiriaetic. C'alal sacub q'uinal ta yorail nix, spisilic lajemic a sacub q'uinal.