Éxodo 9:15 - Bible in Tzeltal de Oxchuc y Tenejapa

¹⁵ Te lajuc cac'bat awil te cu'el ta yac'belat castigo ta tulan chamel a te ja'at soc te alumale, ma'yucatix ta q'uinal te jichuque.

Bible in Tzeltal Bachajón

¹⁵ Yu'un te lajuc cac' tal jc'ab yu'un ya ca'bat jmilawal-chamel soc te pueblo awu'un, ma ba cuxulatix ta q'uinal te hichuque.

Éxodo 9:15 Referans Kwoze

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Proverbios 2:22

yan te mach'atic amen yo'tanic soc te jchebal-o'tanetic, ya me yich'ic bulel loq'uel ta q'uinal, soc ya me yich'ic ch'ojel loq'uel ta q'uinal stuquelic.

1 Reyes 13:34

Ta scaj te jich nix la xch'uun loc'omba te patil alnich'anetic yu'un Jeroboam, ja' smulic c'ot, soc ja' ta scaj te jc'axel lajinbot te sts'umbale.

Éxodo 14:28

Te c'alal la snup' sba te ja'e, jich te bit'il ay ta neelale, mujc' ta ja' te carretaetic, te caballoetic soc spisil te soldadoetic te ochemiquix bael ta mar ta snutsel te israeletique. Ma'yuc cuxul jilel te soldadoetic yu'un te faraone.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Éxodo 9:6

Jich yu'un ta yan c'aalil la spas te Cajwaltique. Spisil xchamsbalamic te egipcioetic lajic. Yan te yu'un israeletic ma'yuc laj jcojt'uc yu'unic stuquelic.

Éxodo 9:3

ya me cac' tel spisil yip te cu'ele. Ya me xjul ta stojol te chambalametic awu'unic te ay ta aquiltique, ya me stsacotic ta chamel, mero muc' me te chamel ya xjul ta stojol te chambalametique. Ya me xlajic te caballoetic, burroetic, camelloetic, wacaxetic soc te chijetique.

Éxodo 9:14

Ya me jticun tel spisil castigo ta atojol soc ta stojol te ajo'tac ta ajwalile soc te alumale. Tey me ya ana' a te ma'yuc yan jich te bit'ilon jtuquel.

2 Reyes 17:36

Jo'on me xach'uunonic te jo'on Ajwalilon te Dioson awu'unique, te la quiq'uex loq'uel tel ta Egipto ta smuc'ul yutsilal cu'el. Jo'on nax me ya ach'uunonic, soc ya me aquejan abaic ta jtojol, soc ya me awac'bonic milbil jmajt'an.

2 Samuel 7:23

Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

2 Reyes 19:35

Ja' nix ta yorail ta ajc'ubal a, te ch'ul abat yu'un Cajwaltic, bajt', c'o smil jo'eb slajunwinic ta jmil (185,000) soldadoetic ta scampamento asiriaetic. C'alal sacub q'uinal ta yorail nix, spisilic lajemic a sacub q'uinal.