Éxodo 9:12 - Bible in Tzeltal de Oxchuc y Tenejapa

¹² Ja'uc me to, te Cajwaltic la stulantesbey xan yo'tan te faraón. Jich ma ba la yich'beyic ta muc' sc'opic te Moisés soc Aarón, jich bit'il albil yu'un Cajwaltic te Moisese.

Bible in Tzeltal Bachajón

¹² Pero te Jehová la stulanubtesbe yo'tan te faraón, hich ma ba la ya'iybe sc'opic te Moisés soc Aarón, hich te bin ut'il halbot yu'un Jehová te Moisés.

Éxodo 9:12 Referans Kwoze

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

San Juan 12:40

“Dios la sc'atp'un ta ma'sit soc la yac' tulanajuc yo'tanic, swenta yu'un ma xyilic q'uinal ta sitic, ni ya xc'ot ta yo'tanic te bila ya x'albotique. ‘Ma ba ya sujt'es yo'tanic ta jtojol swenta ya jlamantes te xchamel’, xi' te Diose”, te xie.

Romanos 9:18

Jich yu'un ja' chican yo'tan stuquel te Dios te mach'a ya xc'uxtaye, soc ja' chican yo'tan te mach'a ya yac' tulanubuc yo'tane.

Éxodo 7:4

Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

Éxodo 10:1

Te Cajwaltic, jich la yalbey te Moisés: —Baan c'opona te faraón. La jtulantesbey yo'tanic soc te sjo'tac ta ajwalile, yu'un ya cac'bey yil te muc' jchajp señailetic te ya jpas ta stojolique,

Éxodo 10:20

Ja'uc me to, te Cajwaltic la stulantesbey xan yo'tan te faraón, jich ma la yac' loq'uel te israeletique.

Éxodo 11:10

Te Moisés soc Aarón la spasic spisil te jayebix tel jchajp señail ta stojol te faraón. Ja'uc me to, te Cajwaltic la stulantesbey xan yo'tan te faraone. Jich stalel nax ay te yo'tane, ma la yac' loq'uel te israeletic ta Egipto.

Éxodo 14:8

Te Cajwaltic la stulantesbey yo'tan te faraón swenta yu'un ya snuts te israeletique. Ma tic'uc la yaiyic a te smuc'ul yu'el Cajwaltic te la sloq'ues tel tey a.

Josué 11:20

Te Cajwaltic la yac'bey tulanajuc yo'tanic te scontroique, swenta yu'un ya me yac'bey guerra te israeletique. Jich la yich'ic lajinel ta jc'axel yu'un te israeletic, ma'yuc c'uxtayel, jich bit'il yaloj mandal Cajwaltic ta stojol Moisés.

Éxodo 9:7

Te faraón la sticunbey ta ilel xchamsbalamic te israeletique, ma'yuc bay lajem jcojt'uc. Ja'uc me to, ma la yac' loq'uel te israeletique, la xcha'tulantes te yo'tane.