Éxodo 8:7 - Bible in Tzeltal de Oxchuc y Tenejapa

⁷ Te p'ijil winiquetic te ay bila ya xju' yu'unic spasele, jich la spasic uuc. Ay ju' yu'unic sloq'uesel tel ta ja' ta sba lumq'uinal yu'un Egipto te xch'uch'etic.

Bible in Tzeltal Bachajón

⁷ Pero te j'ilojeletic hich nix la spasic ta scuenta te sc'oblaltesel yu'unic; la yaq'uic tal xch'uch'etic ta sq'uinal Egipto.

Éxodo 8:7 Referans Kwoze

Éxodo 7:11

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Éxodo 7:22

Te p'ijil winiquetic ta Egipto te ay bila ya xju' yu'unic spasele, jich la spasic uuc. Jich tulanaj xan yo'tan ta lec te faraón, ma la yich'beyix ta muc' sc'opic te Moisés soc te Aarón, jich nix te bit'il yalojbey sc'oplal te Cajwaltique.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

2 Timoteo 3:8

Jich bit'il la scontroin Moisés ta Egipto te Janese te Jambrese, ja' nix jich te ants-winiquetic ta ora to, c'ax boloben te yo'tanique, scontroinejic te smelelil c'ope, soc xujt' ma ba c'oem ta yo'tanic te bit'il ay te xch'uunjel-o'tanile.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

Éxodo 8:18

Te p'ijil winiquetic te ay bila ya xju' yu'un spasel ta sc'opique, c'an stojq'uesic ch'in us uuc. Ja'uc me to, ma ju' yu'unic. Te ch'in us yacalic ta uts'inwanej ta stojol te ants-winiquetique, soc ta stojol te chambalametique.