Éxodo 8:21 - Bible in Tzeltal de Oxchuc y Tenejapa

²¹ Teme ma xawac' loq'uele, ya me jticun tel jaetic ta atojol, soc ta stojol ajo'tac ta ajwalile, soc te alumale, soc me te bay nanatic awu'unique. Ta spisil te sna egipcioetic ya me xnoj yu'un te jaetique. Te lumq'uinal ta ba ay snaic, ya me xnoj ta jaetic.

Bible in Tzeltal Bachajón

²¹ Yu'un teme ma xawac' loq'uel te pueblo cu'une, ya jticon tal bayel ta chahp hahetic ta atojol, ta stojol te a'batetic, te pueblo soc ta nahetic awu'un. Spisil te sna egipciohetic ya xnoj ta hahetic, ha nix hich te lumq'uinal banti ayique.

Éxodo 8:21 Referans Kwoze

Isaías 7:18

Te bi c'aalil ya xc'ot ta pasele, te Cajwaltic ya yic' tel jichuc jaetic te mach'atic nainemic ta bay te c'ubul ja'etic yu'un Egipto, soc jich me ya yic' tel jichuc xchanul chab te mach'atic nainemic ta Asiria.

Salmos 105:31

C'opoj te Diose, la yac' ochuc bayal jaetic soc us, pujq'uic ta spamal sq'uinal Egipto.

Salmos 78:45

La sticunbey ta stojolic jaetic soc xch'uch'etic, spisilic ti'otic yu'un soc ac'bot bayal swocolic;

Éxodo 8:20

Te Cajwaltic, jich la yalbey xan te Moisés: —Te faraón ya me xbajt' ta sab pajel ta muc'ja'. Jich yu'un sab me ya xjajch'at, baan albeya: “Jich la yal te Cajwale: ‘Ac'a loq'uel te lum cu'une, ya me xba yich'onic ta muc'.

Éxodo 8:22

Te c'alal ya xc'ot ta pasel, ma ba ya cac' xc'ot ta Gosén, te banti ay te lum cu'une. Ma'yuc jcojt'uc ja ya xc'ot tey a. Jich me ya ana' a te ja' Ajwalilon jtuquel te joinej te lume.

Éxodo 8:24

Jich la spas te Cajwaltique. Sbosbonax jajch'el te jaetique, ochic bael ta muc'ul palacio yu'un te faraón, soc ta snaic te sjo'tac ta ajwalil, soc ta spamal lum Egipto. Uts'inotic ta jyalel.

Éxodo 10:6

Ya me snojesbat te amuc'ul palacio soc te snaic te ajo'tac ta ajwalile, soc ta spisil snaic te alumal te ma'yuc bay jich la yilic a te ame'-atatic soc te amamique, te chicnajic tel te namey ja' to ta ora to”, xi' te Diose —xi' te Moisés. C'alal laj yo'tan ta c'op te Moisés, sujt' tel ta ora. Loc' bael ta stojol faraón.