Éxodo 8:20 - Bible in Tzeltal de Oxchuc y Tenejapa

²⁰ Te Cajwaltic, jich la yalbey xan te Moisés: —Te faraón ya me xbajt' ta sab pajel ta muc'ja'. Jich yu'un sab me ya xjajch'at, baan albeya: “Jich la yal te Cajwale: ‘Ac'a loq'uel te lum cu'une, ya me xba yich'onic ta muc'.

Bible in Tzeltal Bachajón

²⁰ Te Jehová la yalbe te Moisés: Hahchan ta sab, tehc'ana aba ta stojol te faraón c'alal ya xbaht ta muc'ul-ha', halbeya: Hich la yal te Jehová: Ac'a loq'uel te pueblo cu'un scuenta yu'un ya xbaht sch'uhuntayonic.

Éxodo 8:20 Referans Kwoze

Éxodo 7:15

Ja'uc me to, ya me xba awil ta buen sab te pajele. Ya xcoj tel ta ja', maliya ta ti'ja'. Ich'a bael te abastón te c'atp'uj ta chane.

Éxodo 9:13

Te Cajwaltic, jich la yalbey te Moisés: —Buen sab me ya xjajch'at te pajele. Baan albeya te faraón: “Jich la yal te Cajwal te Dios cu'untic te hebreootique: ‘Ac'a loq'uel te lum cu'une, ya xba yich'onic ta muc'.

Éxodo 8:1

jich la yalbey te Moisés: —Baan c'opona te faraón, jich me xawalbey: “Jich la yal te Cajwale: ‘Ac'a loq'uel te lum cu'une, yu'un me ya xba yich'onic ta muc'.

Éxodo 3:18

Jich te mamaletic ya me yich'bat ta muc' te ac'ope. Ya me awalbey te ya xba ac'oponic soc te muc' ajwalil yu'un Egipto, jich me ya xc'o awalbey: “Te Cajwaltic te Dios cu'untic jo'otic te hebreootic tal sc'oponotiquix. Jich yu'un ya me awac'otic loq'uel te ya xbootic ta muc'ul jochol taquin q'uinal. Ya me xbeenotic ochel oxeb c'aal tey a. Yu'un ya xba cac'beytic smajt'an te Cajwaltic te Dios cu'untique”, ya me awut.

Éxodo 2:5

Ja' yorail a te coj tel ta atimal ta muc'ja' te yantsil-nich'an faraón. Te criadaetic yu'un ba yaiyic paxeal ta ti'ti'ja'. Te yantsil-nich'an faraón tey la yil a te moch te ay ta yolil jalaletic. Jich la sticun bael jtul scriada, ba sloq'ues tel.

Éxodo 4:23

la calbatix te ya awac'bon loq'uel te jnich'ane, swenta yu'un ya xba yich'on ta muc'. Jich yu'un te bit'il ma xawac'bon loq'uele, ja' me ya jmilbat te sba anich'ane’ xi' te Cajwale”, uta me —xi' te Cajwaltique.

Éxodo 5:1

Te Moisés soc te Aarón ba yalbeyic te faraón: —Jich la yal te Cajwal te Dios cu'untic jo'otic te israelotique: “Ya me awac'bon loq'uel te lum cu'une. Ya xbajt'ic ta muc'ul jochol taquin q'uinal. Ya xba spasbonic q'uin tey a swenta quich'jibal ta muc' yu'unic”, xi' te sc'ope —xiic ta stojol.

Éxodo 5:3

La sjaq'uic: —Ja' te Dios cu'untic te jo'otic hebreootic, tal staotiquix bael. Jich yu'un ya me xbootic ta muc'ul jochol taquin q'uinal, te ay oxeb c'aal ya xbeenotic ochele. Ya xba cac'bey milbil smajt'an te Cajwal te Dios cu'un, soc te jlumale. Teme repente ya yac'on ta lajel li'to soc te jlumale, ta swenta tulan chamel o milel ya caiytic li'to —xiic.

Éxodo 8:21

Teme ma xawac' loq'uele, ya me jticun tel jaetic ta atojol, soc ta stojol ajo'tac ta ajwalile, soc te alumale, soc me te bay nanatic awu'unique. Ta spisil te sna egipcioetic ya me xnoj yu'un te jaetique. Te lumq'uinal ta ba ay snaic, ya me xnoj ta jaetic.

Salmos 78:45

La sticunbey ta stojolic jaetic soc xch'uch'etic, spisilic ti'otic yu'un soc ac'bot bayal swocolic;

Salmos 105:31

C'opoj te Diose, la yac' ochuc bayal jaetic soc us, pujq'uic ta spamal sq'uinal Egipto.