Éxodo 8:19 - Bible in Tzeltal de Oxchuc y Tenejapa

¹⁹ Jich yu'un te p'ijil winiquetic la yalbeyic te faraón: —Ja' in to ja' ta swenta yu'el sc'ab te Diose —la yutic. Te faraón cha'tulanaj te yo'tane, mero ma la yich'bey ta muc' sc'opic, jich bit'il yalojbey sc'oplal te Cajwaltique.

Bible in Tzeltal Bachajón

¹⁹ Ha yu'un te j'ilojeletic hich la yalbeyic te faraón: Ha'ix te yal sc'ab Dios ini, xchihic. Pero te faraón tulanub yo'tan, ma ba la ya'iybe sc'opic, hich te bin ut'il la yal te Jehová.

Éxodo 8:19 Referans Kwoze

San Lucas 11:20

Ja'uc me to, ja' nax ta swenta yu'el Dios te yacon ta sloq'uesel te pucujetique. Tey chicanix ta jamal te ayix ta ajwalinel ta awolilic te Diose.

Salmos 8:3

C'alal ya quil te ch'ulchan te ja'at nix la apas atuquele, soc te u soc te eq'uetique,

San Mateo 12:28

Ja'uc me to, te jo'one ya jloq'ues pucujetic ta swenta te Espíritu yu'un te Diose. Tey chicanix ta jamal te ayix ta ajwalinel ta awolilic te Diose.

Éxodo 7:5

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Hechos 4:16

Jich caj yalbey sbaic: —¿Bi ya cutic in winiquetic to? Melel spisil lum Jerusalén yaiyojiquix stojol te jchajp at'elil la spasique. Ma xju' cu'untic smaquel ta c'op te ma meleluque.

San Juan 11:47

Jich yu'un te fariseoetique soc te jwolwanej-sacerdoteetique la stsob sbaic ta Muc'ul Tsoblej yu'unic. Jich la yalic: —¿Bi me ya jpastic yu'un? Melel te winique bayal señailetic yac ta spasel.

Daniel 2:19

Te c'alal och ajc'ubale, ac'bot yil la yaiy te Daniel. Ja' yu'un te Daniel la yalbey yutsil sc'oplal te Dios ta ch'ulchane,

1 Samuel 6:9

Pero ac'a asitic ta yilel. Teme toj ya xbajt' ta ch'in lum Bet-semes te wacaxetic soc te carreta, te banti slumal te cajone, yu'un ni me ja' a te Dios yu'un Israel te yac yac'bel bayal jwocoltique. Yan teme ma teyuc ya xbajt'ic a, yu'un ma ja'uc te yac yac'bel tulan castigo ta jtojoltic, yu'unix jich nax talem a te wocol julem ta jtojoltique —xiic.

1 Samuel 6:3

La sjaq'uic, jich la yalic: —Teme ya asutic bael te scajonil trato te Dios yu'un Israel, ma me stuqueluc nax ya aticunic sujt'el. Ya me sc'an te ay bi ya aticunbeyic te Yajwalic, swenta stojol te amulic ataojic ta stojole. Jich me ya xlecubex ta chamel soc tey me ya ana'ic a, te bi swentail te ma ba acuxoj awo'tanic ta castigo yu'une —xiic.

Éxodo 10:7

Ja'uc me to, c'opojic te sjo'tac te faraón, jich la yalic: —¿Bi to ora ya yijq'uitayotic ta woclajel te winique? Ac'aix loq'uel te ants-winiquetic, ac'a ba yich'ic ta muc' te Yajwalique. ¿Yu'un bal ma'yuc ta awo'tan te ayic to ta woclajel te yajwal Egipto? —xiic.

Éxodo 7:4

Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

Éxodo 7:13

Ja'uc me to, manchuc me la yil te faraón, la stulantes te yo'tane. Ma la sc'an la yaiy stojol te c'ope, jich nix bit'il la yal te Cajwaltique.

Génesis 41:24

Te jucchex te nojelic ta site, lajinotic yu'un te jucchex te ma'yuc site. Ja'uc me to, la calbeyix yaiyic te mach'atic p'ij yo'tanique, pero ma'yuc mach'a la sna'bey swentail —xi'.

Éxodo 9:4

Ma xcac' xc'ot ta stojol xchamsbalamic te jlumal Israele te chamel ya xc'ot ta stojol xchamsbalamic te egipcioetique. Ma xcac' ya xlaj jcojt'uc xchamsbalam stuquelic’, xi' te Diose”, uta me —xi' te Cajwaltique.

Éxodo 9:26

Ja'uc me to, te lumq'uinal ta Gosén te bay nainemic te israeletic ma'yuc bay co jp'ijuc bat tey a.

Éxodo 10:23

Jalaj oxeb c'aal. Ma'yuc mach'a la yil sba soc te spat-xujq'ue, asta ma ju' te bila ya spas jtebuque. Yan ta bay snaic te israeletic ay saquil q'uinal tey stuquel a.

Éxodo 11:7

Swenta yu'un tey ya ana'ic stojol a te ma pajaluc sc'oplal ta yo'tan Cajwal soc egipcioetic te israelotique, ni ma ba ya swojwojtayotic te ats'i'ique, manchuc me ants-winiquetic, o chambalametic.