Éxodo 8:18 - Bible in Tzeltal de Oxchuc y Tenejapa

¹⁸ Te p'ijil winiquetic te ay bila ya xju' yu'un spasel ta sc'opique, c'an stojq'uesic ch'in us uuc. Ja'uc me to, ma ju' yu'unic. Te ch'in us yacalic ta uts'inwanej ta stojol te ants-winiquetique, soc ta stojol te chambalametique.

Bible in Tzeltal Bachajón

¹⁸ Te j'ilojeletic ya c'an yaq'uic tal uch' ta scuenta te sc'oblaltesel yu'unic, pero ma ba hu' yu'unic. Ay uch' ta stojol ants-winiquetic soc chambahlametic.

Éxodo 8:18 Referans Kwoze

Éxodo 7:11

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Éxodo 9:11

Te p'ijil winiquetic ma ju' yu'unic spasel ta stojol Moisés, melel tsacotic ta c'a'el chin uuc jich bit'il te slumale.

Daniel 5:8

Ta spisilic te mach'atic ay bila sna'ojic te ayic ta swenta te muc' ajwalile, ochic bael ta yutil na, pero ma'yuc mach'a ju' yu'un sna'beyel swentail te bila ts'ibubil. Jich ma'yuc mach'a cholbot yaiy yu'un te muc' ajwalile.

San Lucas 10:18

La yal te Jesuse: —Jich na'ax, melel yacon ta yilel te ch'ay coel tel ta ch'ulchan te Satanase. Jich la quil te bit'il xlememet ya xco tel te chawuque.

Daniel 4:7

Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Isaías 19:12

¿Banti ay te mach'atic p'ijic awu'un, faraón, swenta yu'un ya sp'ijubtesat, soc ya yalbat sc'oplal te bitic chapal yu'un te Cajwaltic te Spisil ya xju' yu'une, ja' te bit'il ay sc'oplal te Egipto?

Génesis 41:8

Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Éxodo 7:12

Juju-jtul la xch'ojic coel ta lum te sbastonique, spisil c'atp'ujic ta chan te sbastonique. Te sbastón Aarón la sbic' bael te bastonetic yu'un te p'ijil winiquetique.

Éxodo 8:7

Te p'ijil winiquetic te ay bila ya xju' yu'unic spasele, jich la spasic uuc. Ay ju' yu'unic sloq'uesel tel ta ja' ta sba lumq'uinal yu'un Egipto te xch'uch'etic.

Éxodo 10:23

Jalaj oxeb c'aal. Ma'yuc mach'a la yil sba soc te spat-xujq'ue, asta ma ju' te bila ya spas jtebuque. Yan ta bay snaic te israeletic ay saquil q'uinal tey stuquel a.