Éxodo 8:15 - Bible in Tzeltal de Oxchuc y Tenejapa

¹⁵ Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Bible in Tzeltal Bachajón

¹⁵ Pero te faraón, c'alal la yil te mayuquix swocol, la stulanubtesbe yo'tan, ma ba la ya'iybe sc'opic, hich te bin ut'il la yal te Jehová.

Éxodo 8:15 Referans Kwoze

Isaías 26:10

Manchuc me ya ana'bey yo'bolil sba te mach'a amenique, ma yu'unuc ya snopic spasel te bitic stojile; ya spasic bitic amen ta sq'uinal te ants-winiquetic te lec yo'tanique, soc ma'yuc ta wenta yu'unic te smuc'ul awu'el Cajwal.

Hebreos 3:15

Jich te bit'il la yal te Diose: “Yo'tic to, teme ya awaiybeyic stojol sc'op te Diose, ma me tulanuc ya awac' te awo'tanique, jich bit'il te mach'atic la scontroinonique”, te xie.

Hebreos 3:8

ma me tulanuc ya awac' te awo'tanique, jich bit'il la scontroinonic te antiguo ame'-atatique, soc te la yilbonic co'tan ta bay te muc'ul jochol taquin q'uinale.

Eclesiastés 8:11

melel te bit'il ma ba la yich' castigo ta ora yu'un te bila amene, ay me mach'a ja' ya xbajt'ix yo'tan ta spasel te bila amene.

Éxodo 7:4

Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

Éxodo 14:5

Te ajwalil ta Egipto tal ta albeyel te loq'uix bael te israeletique. Ora yanaj sit-yelaw yu'un soc uuc te sjo'tac ta ajwalile, jich la yalic: —¿Bistuc la cac'tic loq'uel te israeletique, te la yijq'uitaybotic jilel te cat'eltique? —xiic.

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

Apocalipsis 16:9

Ja'uc me to, ma ba la sujt'es yo'tanic yu'un te smulique, soc ma la yalbeyic yutsil sc'oplal te Diose. Ja' nax caj stoybac'optayic a te Dios te ya xju' yu'un yaq'uel te tulan castigoe.

Oseas 6:4

Ya yal te Cajwaltique: —¿Bi me ya jpas ta atojol, Efraín? ¿Bi me ya jpas ta atojol, Judá? Te xc'uxul awo'tanic ta jtojole jich c'oem te bit'il sjab lumq'uinal ta sacubele, soc jich c'oem te bit'il ts'ujul ta ijc' to q'uinal te sab ya xch'ay c'axele.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Éxodo 8:8

Te faraón la sticun ta iq'uel te Moisés soc Aarón, jich la yalbey: —C'opona te Awajwalique, ac'a sq'uejbon bael ta jtojol te xch'uch'etique, soc ta stojol te jlumale. Ya cac' loq'uel te alumale, ac'a ba yac'beyic smajt'an te Awajwalique —xi'.

Éxodo 8:14

Te lume la stsobic te xch'uch'etic te lajeme, la sbusanic. Ta bayuc ay ta spamal te q'uinale, bayal tuub.

Éxodo 8:16

Te Cajwaltic la yalbey xan te Moisés: —Albeya te Aarón ac'a stoy te sbastón, ac'a smajbey stanul te lume, swenta yu'un ya me xc'atp'ujic ta us ta spamal Egipto —xi' te Diose.

Éxodo 8:28

Te faraón, jich la yal: —Lec ay, ya caq'uex bael ta muc'ul jochol taquin q'uinal, pero ja' te ma jc'axeluc najt' ya xbaexe. C'oponbonic Dios tey uuc a —xi'.

Éxodo 8:29

Moisés la sjac': —Ya na'ax, ja' nax teme loc'on baele, ya jc'anbey te Cajwaltique, swenta yu'un pajel me ya xbajt'ic te jaetique. Jich me ya yijq'uitayat jilel soc spisil te ajo'tac ta ajwalil soc ta spisil te alumale. Teme ma ja'uc nax yu'un ya alo'layotic ta c'ope, te ya xboon soc te jlumal ta yaq'uel milbil smajt'an te Cajwale —xi' te Moisese.

Éxodo 8:32

Ja'uc me to, te faraón cha'tulanaj xan te yo'tane, ma la yac' bael te israeletique.

1 Samuel 6:6

¿Bi yu'un te mero tulan ya awac' abaic, te pajalex soc egipcioetic soc te faraón yu'unique, te ja' to la yaq'uic loq'uel a te israeletic te c'alal ac'botic tulan castigo?

Proverbios 26:11

Te ts'i' ya xcha'lo' xan xe; ja' nix jich te mach'a ma sna' q'uinale, ya spas xan te sbolile.

1 Samuel 6:3

La sjaq'uic, jich la yalic: —Teme ya asutic bael te scajonil trato te Dios yu'un Israel, ma me stuqueluc nax ya aticunic sujt'el. Ya me sc'an te ay bi ya aticunbeyic te Yajwalic, swenta stojol te amulic ataojic ta stojole. Jich me ya xlecubex ta chamel soc tey me ya ana'ic a, te bi swentail te ma ba acuxoj awo'tanic ta castigo yu'une —xiic.

1 Samuel 6:9

Pero ac'a asitic ta yilel. Teme toj ya xbajt' ta ch'in lum Bet-semes te wacaxetic soc te carreta, te banti slumal te cajone, yu'un ni me ja' a te Dios yu'un Israel te yac yac'bel bayal jwocoltique. Yan teme ma teyuc ya xbajt'ic a, yu'un ma ja'uc te yac yac'bel tulan castigo ta jtojoltic, yu'unix jich nax talem a te wocol julem ta jtojoltique —xiic.

1 Samuel 6:12

C'alal chajbaj, jajch' ta beel te me' wacaxetique. Tojic bael ta sbelal ch'in lum Bet-semes. Yacalic ta oq'uel bael, mero toj bajt'ic, ma'yuc banti la yaq'uic buelta. Te filisteoetic st'unojic bael c'alal ta raya yu'un te Bet-semes.