Éxodo 7:9 - Bible in Tzeltal de Oxchuc y Tenejapa

⁹ —Teme ya sc'anbat jchajp señail te faraón, albeya te Aarón ac'a xch'oj coel ta lum te sbastón ta stojol te faraón, ya me xc'atp'uj ta chan —xi' te Diose.

Bible in Tzeltal Bachajón

⁹ Teme ya yalbat te faraón: A'bon quil jchahp a'telil, teme xchihe, ya me awalbe te Aarón: Tsaca anahbate', ch'oja cohel ta stojol te faraón scuenta yu'un ya xc'atp'uj ta chan, xchi.

Éxodo 7:9 Referans Kwoze

San Juan 2:18

Te jwolwanej-judioetique tal sjojc'obeyic te Jesuse: —¿Bi seña ya apasbotic quiltic yu'un te bila yacat ta spasele? —xiic.

Isaías 7:11

—C'anbeya te Cajwaltic te Dios cu'untique, ac'a spas jchajp at'elil ta swenta señail ta atojol, chican teme alan ta mero yet'al balumilal, o ja' to ta mero toyol —xi'.

Éxodo 4:2

—¿Bila ay ta ac'ab? —xi' te Cajwaltique. —Bastón —xi' te Moisés.

San Juan 6:30

La yalic: —¿Bi señailuc ya apas quiltic swenta yu'un jich me ya jch'uunticat? ¿Bila at'elil ya apas jiche?

Éxodo 4:17

Ich'a bael te abastone, ja' me ya apas jchajp at'eliletic a —xi' te Diose.

Éxodo 10:13

Te Moisés la stoy moel sbastón ta stojol spamal Egipto. Te Cajwaltic la yac' tel ic' ta stojol sloq'uib c'aal. Ta sjunal c'aal soc ajc'ubal ay ic' ta stojol te lume. Te c'alal sacub te q'uinale, te iq'ue la yic' tel te c'ulubetique.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Mateo 12:39

La yal te Jesuse: —Ya nax sc'an seña yilic te mach'atic te amen yo'tanic soc te mach'atic ma junuc yo'tanic ta stojol te Diose, ja'uc me to, ma x'ac'bot yilic. Ja' seña ta stojolic te Jonás te namey q'uinal j'alwanej yu'un te Diose.

Ezequiel 29:3

Jich me xawalbey: “Jich ya yalbat te Cajwaltique: ‘Faraón, muc' ajwalilat yu'un Egipto, ya calbat ta jamal te jo'on acontroone. Muc'ul lagarto c'oemat, metselat ta muc'ja' awu'un, te jich ya awale: “Jo'on cu'un te muc'ja' Nilo, jo'on jpasoj”, te xaate.

Éxodo 9:23

Te Moisés la stoy moel te sbastone. Te Cajwaltic la yac' tel chawuc, tsantsewal soc bat ta lumq'uinal. Jich tal bat ta spamal Egipto.

Éxodo 4:20

Jich yu'un te Moisés la yic' bael te yinam soc te snich'nabe, la scajanlay bael ta burro, bajt' ta Egipto. La yich' bael te bastón yu'un te Diose.

Éxodo 7:8

Te Cajwaltic, jich la yalbey xan te Moisés soc Aarón:

Éxodo 4:3

—Ch'oja ta lum —xi' sc'oplal. Te Moisés la xch'oj ta lum te sbastone. C'alal la xch'oj ta lum te sbastón, c'atp'uj ta chan. Te Moisés loc' ta anel ta stojol te chane.