Éxodo 7:23 - Bible in Tzeltal de Oxchuc y Tenejapa

²³ Sujt' bael te faraón ta smuc'ul na, jich ma'yuc sc'oplal c'ot ta yo'tan te aiyeje.

Bible in Tzeltal Bachajón

²³ Suht bahel te faraón, baht ta sna, mayuc sc'oblal c'oht ta yo'tan.

Éxodo 7:23 Referans Kwoze

Malaquías 2:2

Ja'ex ay ta awentaic te ya ach'uunbonic te jc'ope; soc ja' ya sc'an te ayuc sc'oplal ta awo'tanic te ya awich'onic ta muq'ue. Teme ma xapasic, ya me jch'ayex ta co'tan. Teme ma'yuc jc'oplal ta awo'tanic te ya awich'onic ta muq'ue, ya me jch'aybeyex te bila ya ataic ta awat'elic ta sacerdoteile —xi' te Cajwaltic te Spisil ya xju' yu'une.

Habacuc 1:5

La yal te Cajwaltic: —Te ja'exe ilawilic te nacionetic te sjoytayejexe; ilawil, soc nojuc me ta awo'tanic xiwel yu'unic. Ayonix ta spasel jchajp at'elil te yan yilel, te ma niwan ya xch'uun awo'tanic, manchuc me ay mach'a ya yalbeyex awaiyique.

Ezequiel 40:4

Te winique jich la yalbon: —Ila me awil ta lec, soc aiya me awaiy ta lec, ac'a me ta awo'tan ta spisil te bitic ya cac'bat awile. Melel Dios me la yic'at tel li'to, swenta yu'un ya cac'bat awil. Jich me ya awalbey yaiy spisil te bitic ya awil ta lum Israele —xi'.

Jeremías 36:24

Te muc' ajwalil soc te mach'atic toyol yat'elic te la yaiyic stojole, ma ba nijc' yo'tanic yu'un, ni seña xc'uxul mel-o'tan la yaq'uic ta ilel.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Isaías 26:11

Cajwal, chapalix awu'un te castigo; ja'uc me to, ma sc'an sna'ic stojol. C'alal ya yilic te yip xc'uxul awo'tan ta stojol te lum awu'une, ya me xjilic ta q'uexlal yu'un. Ayuc laj bit'il ya xlajic ta c'ajq'uel yu'un sc'aal te awilimbae.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Proverbios 24:32

C'alal la quil, la cac' ta co'tan; la quil soc ay bila la jnop tey a:

Proverbios 22:17

Ac'a achiquin, aiybeya awaiy sc'opic te mach'atic ay sp'ijilique; ts'una me ta awo'tan te bila ya cac'bat anope.

Salmos 62:10

Ma me smuc'ulin awo'tanic te ac'ajc'alique; soc ma me xawac' yu'uninbeyex awo'tanic elec'. Teme ay bi ora c'ulejubexe, ma me ja'uc ya smuc'ulin awo'tanic te biluquetic awu'unique.

Job 7:17

¿Bi yu'un te lom bayal sc'oplal ta awo'tan te ants-winique? ¿Bi yu'un te ma xch'ay ta awo'tane?

1 Samuel 4:20

C'alal la sna'ic te ya xlaj te antse, te antsetic c'o yilic. Te c'alal ya xlajix a, jich la yalbeyic: —Ma me xamel awo'tan, ch'in querem te awale —la yutic. Pero ma ba la sjac', soc ma ba la yich' ta wenta.

Deuteronomio 32:46

Patil jich la yalbey te israeletique: —Nopa awaiyic ta lec te bila la calbeyex, soc pasaic ta mandal te awal-anich'nabe, ac'a spasic bael spisil te bila la yal te mandaliletique.

Éxodo 9:21

Te yantic te ma'yuc sc'oplal c'ot ta yo'tanic, jilic ta yol q'uinal.

Éxodo 7:22

Te p'ijil winiquetic ta Egipto te ay bila ya xju' yu'unic spasele, jich la spasic uuc. Jich tulanaj xan yo'tan ta lec te faraón, ma la yich'beyix ta muc' sc'opic te Moisés soc te Aarón, jich nix te bit'il yalojbey sc'oplal te Cajwaltique.

Éxodo 7:24

Spisil te egipcioetic jajch'ic ta spasel pozoetic ta ti'ti'ja' swenta yu'un ya staic lequil ja', melel te muc'ja' ma xju'ix ta uch'el.

Éxodo 9:20

Ay nix jtul cheb sjo'tac ta ajwalil te faraón te xiw yo'tanic yu'un te bila la yac' ta na'el te Cajwaltique. Jich la yac' ta na te abatetic yu'une soc te xchamsbalame.

Proverbios 28:14

Bin nax me yutsil te ants-winic te spisil ora ya yich' ta muc' te Cajwaltique; yan te mach'a tulan yo'tane, ya sta falta stuquel.

Isaías 47:7

Jich la awal: “Jo'on me'el ajwalilon sbajt'el q'uinal”, xaat. Ma ba c'opoj awo'tan yu'un, ma la anop te bit'il ya xc'oat ta loq'uel ta slajibale.