Éxodo 7:17 - Bible in Tzeltal de Oxchuc y Tenejapa

¹⁷ Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

Bible in Tzeltal Bachajón

¹⁷ Ha yu'un hich ya yal te Jehová: Hich me yac ana' te ho'on Jehovahon: ya jmaj te muc'ul-ha' ta nahbate'el ay ta jc'ab, ya xc'atp'uj ta ch'ich'.

Éxodo 7:17 Referans Kwoze

Éxodo 4:9

Yan teme ma xch'uunique, soc teme ma xyich'ic ta muc' ta xchebal te señailetic, lupa loq'uel tel ja', mala ta lum. Teme ya amal ta lum, ya me xc'atp'uj ta ch'ich' —xi'.

Éxodo 7:5

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Éxodo 5:2

Te faraón la yalbey: —¿Mach'a a te Awajwal te ya jch'uunbey sc'op te ya cac' bael te israeletique? Ma jna'bey sba te Awajwal ya awale. Ma xju' caq'uex bael —xi'.

Ezequiel 39:28

Jo'on la cac'bey bael ta mosoil, la cac' bael ta yan nacionetic, pero jo'on ni me ya jcha'tsojp xan tel ta slum-sq'uinalic. Ma me ayuc ni jtuluc ya quijq'uitay jilel ta slumal jyanlumetic. Jich me ora ya sna'ic te jo'on Ajwalilon te Dioson yu'unique.

Ezequiel 38:23

Jich me ya cac'bey yilic bayal ta jpam lumetic te smuc'ul cu'el te bit'il jo'on Ch'ul Dioson jtuquele. Ya me cac' sna'bonic jba, ya me sna'bonic xan jba te jo'on Ajwalilone —xi'.

Salmos 9:16

Te Cajwaltic la yac' sba ta na'el te bit'il yaiyojix chajbanwanej ta stojolic. Te mach'a amen, chucul ya xjil, ja' nix te syac xchajbanej stuquele.

Apocalipsis 11:6

Te testigoetique ay me yu'elic ta smaquel te ch'ulchane, swenta yu'un ma ba ya xtal ja'al te jayeb c'aal ya xc'opojic ta j'alwaneje. Soc ya xju' yu'unic te ya sc'atp'unic ta ch'ich' te ja'e, soc ya xju' yu'unic te ya yac' c'axuc spisil ta jchajp swocol te balumilale, chican jayeb buelta ya sc'an yo'tanic te ya spasique.

Apocalipsis 8:8

Te xchebal ch'ul abate la yoq'uesin te oq'uese. Chicnaj la quil te jich yilel te bit'il muc'ul wits te yac ta tilel ta c'ajq'uel. La yich' ch'ojel ochel ta bay te mare. C'atp'uj ta ch'ich' jxejt' ta yox-xejt'el te mare.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Daniel 5:21

La yich' loq'uesel ta stojol te ants-winiquetique, la yich' c'atp'unel, pajal soc chambalam c'ot. Ja' la sjoin ta nainel te ja'mal burroetique. La slo' wamal jichuc wacaxetic, ajts'esot yu'un ts'ujul ta scojt'ol te sbaq'uetale, ja' to te la sna' te ja' nax te Dios mero toyol te ay yu'el ta stojol ta spisil te ajwaliletic ta balumilal, soc te ja' ya stojtes te mach'a ajwalil ya sc'an yo'tan ya stojtese.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Ezequiel 32:15

Te c'alal ya jc'atp'un ta jochol taquin q'uinal te Egipto, soc te ya cac' jojch'ajuc te lumq'uinale, te c'alal ma'yuquix mach'a nainem tey a, ya me sna'ic te jo'on Ajwalilone”, xaat me ta c'ayoj.

Ezequiel 30:19

Jo'on me ya cac'bey castigo te Egipto. Jich me ya sna'ic te jo'on Ajwalilon —xi' te Cajwaltique.

Ezequiel 30:8

Te c'alal ya cac' tiluc te lumq'uinale, soc te ya xlajic te mach'atic ya scoltayique, tey me ya sna'ic a te jo'on Ajwalilon te jich la jpase.

Ezequiel 29:9

Ya me xc'atp'ujat ta jochol taquin q'uinal. Te ants-winiquetic ya me sna'ic te jo'on Ajwalilone. Jich la awal: “Cu'un te muc'ja' Nilo, jo'on la jpas”, xaat.

Salmos 105:29

La sc'atp'unbey ta ch'ich' te ja'etic yu'unic, soc la slajinbey xchayul te ja'etique.

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Salmos 78:44

soc te bi c'aalil la sc'atp'un ta ch'ich' te muc'ja'etic, te ma ba ju' la yuch'ic te egipcioetique.

2 Reyes 19:19

Ora yo'tic jiche, Cajwal Dios cu'untic, coltayawotic ta sc'ab, swenta yu'un ta spisil nacionetic ta balumilal ya sna'ic a te ja'at Cajwalat te atuquel te Diosate —xi'.

1 Reyes 20:28

Ja' yorail c'ot jtul j'alwanej yu'un Dios ta stojol te muc' ajwalil yu'un Israel, jich albot: —Jich la yalix te Cajwaltique: “Te siriaetic yalojic te jo'on dioson yu'un witstiquil, te ma diosucon yu'un spamlejtique. Ja' yu'un ya cac'bat ta ac'ab ta spisilic te jich yipal ayique. Jich me ya ana' a te jo'on te Awajwalone”, xi' me te Cajwaltique —xi'.

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Éxodo 7:20

Te Moisés soc te Aarón jich la spasic te bit'il albotic mandal yu'un te Cajwaltique. Te Aarón la stoy te sbastón, la smaj a te ja' ta sit te faraón soc te sjo'tac ta ajwalile. Spisil te ja'etic c'atp'ujic ta ch'ich'.

Éxodo 10:2

swenta yu'un jich me ya awalbey te anich'nabic soc te amamataque. Melel ma la cac' slabanon te egipcioetic te la jpas muc' jchajp señailetic ta stojolic. Jich me ya ana'ic te jo'on Ajwalilon —xi'.

Ezequiel 25:17

Xiweltic me sba te bila ya jpasbey ta stojolic ta swenta sujt'esbeyel spacol, ya me cac'bey castigo ta swenta quilimba. Te c'alal ya jpase, ya me sna'ic te jo'on Ajwalilon —xi' te Cajwaltique.

Ezequiel 32:6

Ya me cajch'es ta ach'ich'el te lume, ya me xc'ot c'alal ta witstiquil, ya me snojesbey xch'enal te muc'ja'etique.