Éxodo 7:13 - Bible in Tzeltal de Oxchuc y Tenejapa

¹³ Ja'uc me to, manchuc me la yil te faraón, la stulantes te yo'tane. Ma la sc'an la yaiy stojol te c'ope, jich nix bit'il la yal te Cajwaltique.

Bible in Tzeltal Bachajón

¹³ Pero tulanub yo'tan te faraón, ma ba la ya'iybe sc'opic, hich te bin ut'il la yal te Jehová.

Éxodo 7:13 Referans Kwoze

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

Éxodo 8:15

Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Hebreos 3:13

Te bit'il yo'tic to ya sc'an ya jch'uuntic te Diose, ja' ya sc'an te ya ajechtac'uy abaic jujun c'aal, swenta yu'un ma me ayuc jtuluquex te ya xlajex ta lo'layel yu'un mulil, te jich tulan awo'tanic ya xc'oex yu'une.

Romanos 2:5

Ja'uc me to, c'ax tulan te awo'tane, yu'un ma ba asujt'esej te awo'tane. Jich yac ta toyel xan castigo ta atojol te quechel ya sta sc'aalelal castigoe. Tey ya xchicnaj a te Dios ya yal ta jamal te stojil te chajbanel yu'une.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Éxodo 10:27

Te Cajwaltic la stulantesbey yo'tan te faraón te ma x'ac'awan loq'uele.

Éxodo 10:20

Ja'uc me to, te Cajwaltic la stulantesbey xan yo'tan te faraón, jich ma la yac' loq'uel te israeletique.

Éxodo 10:1

Te Cajwaltic, jich la yalbey te Moisés: —Baan c'opona te faraón. La jtulantesbey yo'tanic soc te sjo'tac ta ajwalile, yu'un ya cac'bey yil te muc' jchajp señailetic te ya jpas ta stojolique,

Deuteronomio 2:30

“Pero te muc' ajwalil Sehón, ma ba la sc'an la yac'otic c'axel ta sq'uinal, melel ja' nix te Cajwaltic Dios cu'untic te la stulantesbey yo'tan, swenta yu'un jich ya yac'botic ta jc'abtic a, jich te bit'il c'alal ora ay to ta jwentatic.

Éxodo 14:17

Te jo'one ya jtulantesbey yo'tanic te egipcioetique, jich me ya snutsex. Ja'uc me to, tey me ya cac'bey yil cu'el a te faraón soc spisil te soldadoetic yu'un te ayic ta carreta soc ta caballoetique.

Éxodo 7:12

Juju-jtul la xch'ojic coel ta lum te sbastonique, spisil c'atp'ujic ta chan te sbastonique. Te sbastón Aarón la sbic' bael te bastonetic yu'un te p'ijil winiquetique.

Éxodo 7:14

Te Cajwaltic la yalbey xan te Moisés: —Te faraón tulanajemix te yo'tane. Ma sc'an xyac' loq'uel te alumale.

Éxodo 7:22

Te p'ijil winiquetic ta Egipto te ay bila ya xju' yu'unic spasele, jich la spasic uuc. Jich tulanaj xan yo'tan ta lec te faraón, ma la yich'beyix ta muc' sc'opic te Moisés soc te Aarón, jich nix te bit'il yalojbey sc'oplal te Cajwaltique.

Éxodo 8:19

Jich yu'un te p'ijil winiquetic la yalbeyic te faraón: —Ja' in to ja' ta swenta yu'el sc'ab te Diose —la yutic. Te faraón cha'tulanaj te yo'tane, mero ma la yich'bey ta muc' sc'opic, jich bit'il yalojbey sc'oplal te Cajwaltique.

Éxodo 9:7

Te faraón la sticunbey ta ilel xchamsbalamic te israeletique, ma'yuc bay lajem jcojt'uc. Ja'uc me to, ma la yac' loq'uel te israeletique, la xcha'tulantes te yo'tane.

Éxodo 9:12

Ja'uc me to, te Cajwaltic la stulantesbey xan yo'tan te faraón. Jich ma ba la yich'beyic ta muc' sc'opic te Moisés soc Aarón, jich bit'il albil yu'un Cajwaltic te Moisese.

1 Samuel 6:6

¿Bi yu'un te mero tulan ya awac' abaic, te pajalex soc egipcioetic soc te faraón yu'unique, te ja' to la yaq'uic loq'uel a te israeletic te c'alal ac'botic tulan castigo?

Éxodo 8:11

Ya me sq'uej sbaic bael te xch'uch'etic ta muc'ul palacio awu'un. Stuquel nax me ta ja' ya x'ainic. Ma ba ya yuts'inatix soc te ajo'tac ta ajwalile, soc te alumale —xi'.

Éxodo 8:28

Te faraón, jich la yal: —Lec ay, ya caq'uex bael ta muc'ul jochol taquin q'uinal, pero ja' te ma jc'axeluc najt' ya xbaexe. C'oponbonic Dios tey uuc a —xi'.

Éxodo 9:35

Te faraón jich tulanaj xan te yo'tane, ma la yac' loq'uel te israeletique, jich bit'il yalojbey Cajwaltic te Moisese.

2 Crónicas 36:13

Soc la stoy sba ta stojol Nabucodonosor te la yac'bey yal ta jamal ta stojol Dios te ya sjoin sba soque, soc mero tulan la yac' sba ta jyalel te ma la sc'an la sujt'es yo'tan ta stojol te Cajwaltic te Dios yu'un te Israele.