Éxodo 7:11 - Bible in Tzeltal de Oxchuc y Tenejapa

¹¹ Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Bible in Tzeltal Bachajón

¹¹ Ha yu'un te faraón la yic' tal te p'ijil winiquetic soc te j'ac'-chameletic, hich nix la spasic te j'ilojeletic yu'un Egipto ta scuenta sc'oblaltesel yu'unic:

Éxodo 7:11 Referans Kwoze

Éxodo 7:22

Te p'ijil winiquetic ta Egipto te ay bila ya xju' yu'unic spasele, jich la spasic uuc. Jich tulanaj xan yo'tan ta lec te faraón, ma la yich'beyix ta muc' sc'opic te Moisés soc te Aarón, jich nix te bit'il yalojbey sc'oplal te Cajwaltique.

2 Timoteo 3:8

Jich bit'il la scontroin Moisés ta Egipto te Janese te Jambrese, ja' nix jich te ants-winiquetic ta ora to, c'ax boloben te yo'tanique, scontroinejic te smelelil c'ope, soc xujt' ma ba c'oem ta yo'tanic te bit'il ay te xch'uunjel-o'tanile.

Éxodo 8:18

Te p'ijil winiquetic te ay bila ya xju' yu'un spasel ta sc'opique, c'an stojq'uesic ch'in us uuc. Ja'uc me to, ma ju' yu'unic. Te ch'in us yacalic ta uts'inwanej ta stojol te ants-winiquetique, soc ta stojol te chambalametique.

Éxodo 8:7

Te p'ijil winiquetic te ay bila ya xju' yu'unic spasele, jich la spasic uuc. Ay ju' yu'unic sloq'uesel tel ta ja' ta sba lumq'uinal yu'un Egipto te xch'uch'etic.

2 Tesalonicenses 2:9

Te mero jmulawil winique, ya me x'at'ej ta swenta yu'el Satanás. Ya me xtal yac' ta ilel bayal yu'el soc señailetic soc jchajp at'eliletic ta swenta lo'layel.

Daniel 2:2

Jich la sticun ta iq'uel te mach'atic ay sp'ijilic, soc te mach'atic ya sna'ic syoljoltayel, soc j'ac'-chameletic, soc te mach'atic bayal bitic ya sna'ique, swenta yu'un ya me x'albot yu'un te bila swentail te swaiche. Te mach'atic c'otic ta iq'uel tele, c'o stejc'an sbaic ta stojol te muc' ajwalile.

Génesis 41:8

Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Efesios 4:14

Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Gálatas 3:1

Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

Daniel 5:11

Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

Daniel 2:27

La sjac' te Daniel, jich la yal: —Ma'yuc ni jtuluc te mach'a ay bila sna'oj, soc ni ayuc mach'a ya sna' syoljoltayel soc j'ac'-chamel, ni ja'uc te mach'a ay bila ya sna' ta swenta te c'aal, u, eq'uetic te ya xju' yu'un sna'beyel swentail te bila wocol ta na'el te ya ac'an ya ana'bey swentaile, muc' ajwalil.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

2 Timoteo 3:9

Ja'uc me to, ma jc'axeluc ya xju' yu'unic, melel ya xchicnaj ta ilel ta comonsitil te ma'yuc bi ya sna'ic xujt'uque, jich bit'il te cha'tul te la scontroinic te Moisese.

Éxodo 7:12

Juju-jtul la xch'ojic coel ta lum te sbastonique, spisil c'atp'ujic ta chan te sbastonique. Te sbastón Aarón la sbic' bael te bastonetic yu'un te p'ijil winiquetique.

1 Samuel 6:2

Te filisteoetic la stsobic te sacerdoteetic yu'unic soc te mach'atic ay bi ya xju' yu'unic sna'ele, jich la yalbeyic: —¿Bi ya jpastic soc te cajón yu'un te Yajwal israeletique? Albotic bi ya cutic ya jsujt'estic bael ta yawil —xiic.

Daniel 4:6

La cal mandal te ya xtalic ta jtojol spisilic te mach'atic bayal bi sna'ojic te ayic ta Babilonia, swenta yu'un ya yalbonic caiy te bila swentailuc te jwaiche.

Éxodo 8:3

Ta muc'ja' ya me xtojc' loq'uel tel bayal xch'uch'etic tey a. Ya me xloq'uic tel, ya x'ochic bael ta muc'ul palacio awu'un. Soc ta awayib te bay ya xwayate, soc ta snaic uuc te ajo'tac ta at'ele, soc ta spisil te alumale, ta hornoetic soc te bay ya yich' pasel te awe'ele.