Éxodo 6:7 - Bible in Tzeltal de Oxchuc y Tenejapa

⁷ Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Bible in Tzeltal Bachajón

⁷ Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Éxodo 6:7 Referans Kwoze

Deuteronomio 29:13

Yo'tic jc'axel me chapal ya xjil te ja'ex lumex yu'un te Cajwaltic Diose, soc te ja' Dios awu'unique. Jich nix te bit'il yalojbey te Abraham, Isaac soc Jacob, ja' te antiguo atatique.

Deuteronomio 7:6

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Deuteronomio 4:20

Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.

Apocalipsis 21:7

Te mach'a ya xju' yu'un tsalawe, ya me cac'bey yu'unin spisil in to. Ja' Dios ya xc'oon yu'un, soc ja' jnich'an ya xc'ot stuquel.

Deuteronomio 26:18

Ja' nix jich te Cajwaltique, yo'tic la yalix ta jamal ta atojol, Israel, te ja'at te lumat te mero yu'unate, jich te bit'il yaloj ta nameye, soc te ya ach'uunbey spasel spisil te mandaliletic yu'une.

Deuteronomio 14:2

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

1 Pedro 2:10

Te ja'exe ma ba lumex yu'un Dios ta neelal to. Yan ta ora to, lum c'oemexix yu'un te Diose. Ta neelal to ma la ataic c'uxtayel. Yan ta ora to, la ataiquix c'uxtayel yu'un te Diose.

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

San Mateo 22:32

“Jo'on Dioson yu'un te Abrahame te Isaaque te Jacobe”, te xie. Te Diose, ma ja'uc Dios yu'un te mach'atic lajemique. Ja' Dios yu'un te mach'atic cuxulique —xi' te Jesuse.

Oseas 1:10

Ya me sta sc'aalelal te mach'atic israeletic te jichic te bit'il sji'al mar, te ma'yuc mach'a ya xju' yu'un sp'isel, ni yajtayel. Te bit'il la yich' albeyel: —Ma lumuquexix cu'un te ja'exe —te xi' sc'oplalique, Dios me ya yalbey: —Ja'ex me yal-snich'anex te cuxul Dios —xi' me sc'oplalic.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Isaías 41:20

Ta spisil ants-winiquetic ya me yilic soc ya me sna'ic te jo'on Ajwalilon, te jpasoj soc te cu'ele. Ya me yaiyic stojol soc ya me xc'ot ta yo'tanic te jo'on, Ch'ul Dioson yu'un Israel, te jo'on la jchicnantese —xi' te Diose.

Salmos 81:6

“La jcojt'esbatix te awijc'ats acuchoje; la cac'atix ta libre yu'un te tulan at'ele.

Éxodo 16:12

—Yacon ta yaiyel stojol te yacalic ta ch'inlajanel ta c'op te israeletique. Baan c'opojan soc, jich me ya awalbey: “Jich la yal te Diose: ‘Ta xmal c'aal ya me ati'ic ti'bal. Yan te jujun sab ya me awe'ic waj ja' to chican bay c'alal ya sc'an awo'tanic. Jich me ya ana'ic te jo'on Ajwalilon te Dioson awu'unique’, xi' te Diose”, uta me —xi' me sc'op te Cajwaltique.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Éxodo 2:11

C'alal muc'ul winiquix a te Moisés, ay jun buelta loc' yaiy paxeal ta yilel te yermanotaque. Tey la yil a te ay bayal swocolic yu'un te at'ele. Soc tey la yil xan a te ay jtul egipcio yac ta smajel sba soc jtul hebreo.

Éxodo 16:6

Te Moisés soc te Aarón, jich la yalbeyic ta spisil te israeletic: —Ta xmal c'aal ya me ana'ic stojol te ja' Cajwaltic te la sloq'uesex ta Egipto;

Levítico 11:44

melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Levítico 11:45

Jo'on te Ajwalilon te la quiq'uex loq'uel tel ta Egipto swenta yu'un Dioson awu'unic jtuquel. Ja' yu'un te ja'exe, ch'ultesbiluquex me, melel ch'ul Dioson te jo'one.” Jich me ya xc'o awalic ta stojolic —xi' te Cajwaltique.

Isaías 49:23

Te muc' ajwaliletic jich me ya xc'otic te bit'il atatique, soc te yantsil-nich'nabique jmon-alal me awu'unic. Ya me spajc'an sbaic ta lum ta atojolic; ya me slec'beyic stanil te awacanique. Jich me ya ana'ic te jo'on Ajwalilon; soc te mach'atic ya yac' smuc'ul yo'tanic ta jtojol jich ma ba ya staic q'uexlal —xi' te Cajwaltique.

Isaías 49:26

Ya me jsuj te j'uts'inwanejetic awu'un te ya xjajch' sti'ic te sbaq'uetalique; soc ja' ya cac' te ya xyacubic soc te xch'ich'elique, jich me ta yo'tanic te bit'il trago. Jich me ya sna'ic spisil te ants-winiquetic ta balumilal te jo'on Ajwalilon te Jcoltaywanejon awu'une; te jo'one, ja' Yipon Jacob, jo'on J'ac'wanejon ta libre awu'un —xi' te Cajwaltique.

Isaías 60:16

Te nacionetic ja' me ya yac'bat te mero lequil we'eliletic ay yu'unique; te muc' ajwaliletic ya me yich'bat tel te sc'ulejalique. Jich me ya ana' stojol te jo'on Awajwalon te Jcoltaywanejon awu'une; te jo'on te Bayal Cu'el te Dioson yu'un Jacob, jo'on ya cac'at ta libre.

Isaías 63:8

Ja' la yal: “Ja'ic me lum cu'une, te ma spasic lote”, xi'. Jich yu'un la scoltay

Ezequiel 20:19

Jich la calbey: “Jo'on Ajwalilon, Dioson awu'unic. Xquechet me xapasbon bael ta spisil te mandaliletic cu'une.

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Éxodo 7:17

Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 14:18

C'alal la cac'beyix yil cu'el a te faraón soc te soldadoetic yu'une te ay ta scarretaic soc scaballoic, jich me ya sna'ic te jo'on Ajwalilone —xi' te Cajwaltique.

Éxodo 15:2

Ja' yu'un ya jc'ajintay te Cajwale, ja' quip soc ja' Jcoltaywanej. Ja' Dios cu'un, cajal yutsil sc'oplal, ja' Dios yu'un te jtate, muc' sc'oplal stuquel.

Éxodo 15:16

Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Números 15:41

Jo'on Ajwalilon te Dioson awu'unic te la jloq'uesex tel ta Egipto swenta yu'un jo'on me Dios ya xc'oon awu'unic. Jo'on Ajwalilon te Dioson awu'unique”, uta me —xi'.

Deuteronomio 29:5

Ayix ta cha'winic (40) ja'wil te jo'on quic'ojex ta beel ta jochol taquin q'uinale. Te c'ax te c'aal awu'unic, ma'yuc ba laj ac'u'ic soc ma ba laj axanabic.

Deuteronomio 29:12

swenta yu'un jc'axel me ya awal abaic ta jamal ta xch'uunel spasel te bila trato la spasbeyex te Cajwaltic Dios ta ora in to.

1 Reyes 8:60

soc swenta yu'un ta spisil ta jpam nacionetic ta balumilal ya sna'beyic sba a te Cajwaltic te ja' Dios stuquel soc te ma'yuc yan te diose.

1 Reyes 20:28

Ja' yorail c'ot jtul j'alwanej yu'un Dios ta stojol te muc' ajwalil yu'un Israel, jich albot: —Jich la yalix te Cajwaltique: “Te siriaetic yalojic te jo'on dioson yu'un witstiquil, te ma diosucon yu'un spamlejtique. Ja' yu'un ya cac'bat ta ac'ab ta spisilic te jich yipal ayique. Jich me ya ana' a te jo'on te Awajwalone”, xi' me te Cajwaltique —xi'.

Nehemías 1:10

“Te jo'otique awabatotic, soc lumotic awu'un. Ta swenta smuc'ul yip awu'el soc ta swenta yu'el ac'ab, te la acoltayotic loq'uel ta lajele.

Salmos 100:3

Na'beyaic sba te Cajwaltic te ja' Dios stuquele. Ja' la spasotic, ja' yu'unotic; lumotic yu'un, soc chijotic c'oem te yac'ojotic ta yax aquiltic yu'une.

Isaías 51:15

“Jo'on Awajwalon te Dioson awu'une; te jbiile, ja' te Ajwalil te Spisil ya xju' yu'une. Jo'on la jyuc' te mare soc awun yu'un te sbule.