Éxodo 6:6 - Bible in Tzeltal de Oxchuc y Tenejapa

⁶ Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Bible in Tzeltal Bachajón

⁶ Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Éxodo 6:6 Referans Kwoze

Deuteronomio 26:8

La slim bael te smuc'ul yu'ele. Jich ta yolil te bila mero xiweltic sba, te mero jchajp a te bila c'ot ta pasele, la yic'otic loq'uel tel ta Egipto.

1 Crónicas 17:21

Jich bit'il te nación Israel awu'une, ma'yuc yan nación te pajal soc ta q'uinale. Dios cu'un, ja'at la awac' loq'uel ta libre, swenta yu'un lum ya xc'ot awu'un. La awac' pujc'uc ac'oplal te bit'il mero muc' te bitic la apas te jchajp at'eliletic ta stojolique. Ja'at la atenbey loq'uel yajwal te lumetic ta stojol te nación awu'un te la awac' loq'uel ta libre ta Egipto,

Deuteronomio 7:8

Te Cajwaltic la sloq'uesex tel ta sq'uinal Egipto te banti ayex ta mozoile. Ta swenta smuc'ul yip yu'el la scoltayex loq'uel tel ta sc'ab faraón ta swenta nax te c'uxex ta yo'tan, soc jich la yac' c'otuc ta pasel a te bila chapal yu'un soc te antiguo jme'-jtatique.

Éxodo 7:4

Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

Nehemías 1:10

“Te jo'otique awabatotic, soc lumotic awu'un. Ta swenta smuc'ul yip awu'el soc ta swenta yu'el ac'ab, te la acoltayotic loq'uel ta lajele.

Salmos 81:6

“La jcojt'esbatix te awijc'ats acuchoje; la cac'atix ta libre yu'un te tulan at'ele.

Deuteronomio 15:15

Ma me xch'ay ta awo'tan te ochat ta mozoil ta Egipto, te ja' la scoltayat loq'uel te Cajwaltic te Dios cu'untique. Ja' yu'un la calbat mandal.

Éxodo 15:13

Soc xc'uxul awo'tan yacat ta stojobtesel bael te lum la acoltaye; soc awu'el yacat ta yiq'uel bael ta bay ch'ultesbil na awu'un.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

2 Reyes 17:36

Jo'on me xach'uunonic te jo'on Ajwalilon te Dioson awu'unique, te la quiq'uex loq'uel tel ta Egipto ta smuc'ul yutsilal cu'el. Jo'on nax me ya ach'uunonic, soc ya me aquejan abaic ta jtojol, soc ya me awac'bonic milbil jmajt'an.

Deuteronomio 4:23

Jich yu'un ya me sc'an te ya atsajtay abaic, ma me xch'ay ta awo'tanic te trato la xchajban ta jtojoltic te Cajwaltic te Dios cu'untique. Ma me xapas awajcanan, soc ma me xapasbeyic sloc'ombail te bitic la scomex ta spasel te Cajwaltic te Dios cu'untique,

Isaías 9:21

Te Manasés ya sjin te Efraín, te Efraín ya sjin te Manasés; soc pajal ya xjajch'ic ta yilbeyel yo'tan te Judá. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Éxodo 6:29

jich la yal: —Jo'on te Ajwalilon. Albeya te faraón te ajwalil yu'un Egipto ta spisil te bila ya calbate —xi'.

Éxodo 6:8

Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Éxodo 6:2

Te Dios la sc'opon te Moisés, jich la yal: —JO'ON AJWALILON.

Isaías 9:12

Ta sloq'uib c'aal tal te siriaetic, ta smalib c'aal tal te filisteoetique. Ta jun nax buelta la sbiq'uic te Israele. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un te Cajwaltique.

Isaías 9:17

Jich yu'un te Cajwaltic ma ba la sna'bey yo'bolil sba te mach'atic ach'ix-queremetique, ni ma'yuc c'uxtayel ta stojol te me'ba alaletic soc te me'ba antsetique. Melel ta spisil te lum ma tojuc yo'tanic ta jyalel; ay mulil ta yo'tanic, spisil ya yalic ixta c'op. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Hechos 13:17

Te Dios cu'untic, te jo'otic te lum israelotique, la stsa te antiguo jme'-jtatique. Muc'ul lum c'ot yu'un, manchuc me jyanlumetic ainic ta sq'uinal Egipto. Soc la sloq'ues tey a ta swenta yu'el te Diose.

Éxodo 1:11

Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Éxodo 2:11

C'alal muc'ul winiquix a te Moisés, ay jun buelta loc' yaiy paxeal ta yilel te yermanotaque. Tey la yil a te ay bayal swocolic yu'un te at'ele. Soc tey la yil xan a te ay jtul egipcio yac ta smajel sba soc jtul hebreo.

Éxodo 12:41

Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique.

Éxodo 12:51

Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Éxodo 16:6

Te Moisés soc te Aarón, jich la yalbeyic ta spisil te israeletic: —Ta xmal c'aal ya me ana'ic stojol te ja' Cajwaltic te la sloq'uesex ta Egipto;

Éxodo 18:1

Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique.

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Deuteronomio 5:15

Na'a me te ja' nix jich c'axat ta mozoil ta Egipto, te tey la jloq'uesat tel a te Ajwalilon te Dioson awu'un ta swenta smuc'ul yip cu'el. Ja' yu'un te Ajwalilon te Dioson awu'une ya jpasat ta mandal te ya acanantay te sc'aalelal cux-o'tane.

Deuteronomio 6:12

Te c'alal jich ya xc'ot ta pasele, ma me xch'ay ta awo'tanic te Cajwaltic te la sloq'uesex tel ta Egipto, te banti ayex ta mozoil.

Jeremías 21:5

Jo'onix jtuquel ya cac'beyex guerra te ja'exe; ya jloq'ues tel smuc'ul te cu'ele, soc yac me ta tilel c'oem te quilimba soc te smuc'ul sc'ajc'al co'tane.

Jeremías 32:21

Ta smuc'ul awu'el la aloq'ues tel ta Egipto te lum Israel awu'une; la apas jchajp at'eliletic soc señailetic, soc la anojesbey xiwel ta yo'tanic ta spisilic.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Éxodo 7:5

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Éxodo 13:16

Jich me c'oem te ay smarcail ta jc'abtic o ta jti'batique. Tey me ya ana'ic a te ja'exe, te soc smuc'ul yu'el sc'ab te Cajwaltic la sloq'uesotic tel ta Egipto”, utaic me —xi' te Moisese.

Éxodo 32:11

Te Moisés ja' la sc'opon te Cajwaltic, jich la yalbey: —Cajwal, ¿bi yu'un te ya x'ilinat ta stojol te lum awu'un, te ja'at nix la aloq'ues tel ta Egipto ta smuc'ul awu'el soc yu'el te ac'abe?

Deuteronomio 7:19

Na'aic me te bitic pruebaetic muq'uic sc'oplal c'oemic ta pasel te ja'ex nix testigoex yu'une, soc te muc' señailetic soc te jchajp señailetic, soc te smuc'ul yip yu'el la yac' ta ilel te Cajwaltic Dios cu'untic te c'alal la sloq'uesex tel ta Egipto. Ja' me jich ya spasbey ta atojolic ta spisil te lumetic ya axi'ique.

Deuteronomio 9:29

Yan te ja'ate lum awu'un, ja'at awu'un ta spisilic. Ja'at la aloq'ues tel ta Egipto ta smuc'ul yip awu'el, soc ta swenta bit'il la atoy ac'ab”, xoon ta stojol Cajwaltic ta awentaic.

Deuteronomio 11:2

Na'beyaic me swentail ta lec te tojtesel yu'un te Cajwaltic te Dios cu'untique, ja' te ma ba sna'ojic soc ma ba yilojic te awal-anich'nabique. Na'beyaic me te smuc'ul yu'el soc te yip sc'ab te c'alal ya stoy sc'abe,

1 Reyes 8:42

teme ya sc'oponat ta stojol te templo in to (ja' yu'un te chicnajix ta aiyel te mero muc' te abiile soc te pujc' ta alel te yutsil smuc'ul te awu'ele),

Salmos 77:16

Dios cu'un, c'alal la yilat te mar, jajch' ta xiwel yu'un, jajch' ta nijq'uel c'alal ta sc'ubulil.

Salmos 81:7

Te c'alal ayat ta buen woclajel ae, la awic'on, jich la jcoltayat; la jac'bat ac'op c'alal ta tocal te banti yac ta t'omel chawuc; la jpasat ta prueba ta sts'eel te ja'etic yu'un Meriba.

Salmos 81:11

“Pero te lum cu'une ma la sc'an la yaiybon te jc'ope; te Israel ma ba la sc'an xch'uunbon jc'op.

Jeremías 27:5

Ta smuc'ul cu'el la jpas te balumilale, soc te ants-winiquetic soc te chambalametic te ayic tey a, soc ya xju' ya cac'bey te mach'a ya sc'an co'tane.

Ezequiel 20:33

Melel jo'on te cuxul Awajwalon, ya cal ta jamal. Ta swenta yip cu'el soc ta swenta castigo yu'un quilimba, puersa me ya x'ochon ta ajwalil awu'unic.