Éxodo 6:25 - Bible in Tzeltal de Oxchuc y Tenejapa

²⁵ Te Eleazar, ja' te jtul snich'an Aarón, nujbin soc te jtul yantsil-nich'an Futiel. Ayin alal yu'unic, ja' te Finees. Ja'ic tatiletic yu'un levitaetic te jun nax te sts'umbalique.

Bible in Tzeltal Bachajón

²⁵ Te Eleazar snich'an Aarón la yic' yihnamin jtuhl yantsil-nich'an Futiel, te la yalatay te Finees. Ha ini te tatiletic yu'un te levitahetic ta jujuchahp sts'umbalic.

Éxodo 6:25 Referans Kwoze

Josué 24:33

C'alal laj te Eleazar snich'an Aarón, la smuquic ta ch'in wits te ja' yu'un Finees te snich'ane, te ac'bot ta witstiquil yu'un Efraín.

Josué 22:13

Ja'uc me to, neel la sticunic bael te Finees te snich'an sacerdote Eleazar, swenta yu'un ya xbajt' ta Galaad ta bay ayic te sts'umbal Rubén, Gad soc te olil sts'umbal Manasés.

Números 31:6

Te Moisés la sticun bael ta guerra. Sjoinej bael te Finees, snich'an te sacerdote Eleazar, te ja' yich'oj bael stuquel te ch'ul biluquetic soc te oq'uesetic te ya yac' ta na'el te bi ora ya xjajch' guerra.

Números 26:57

Te sts'umbal Leví te la yich'ic aq'uel ta censo ta chajbalchajp, ja'ic te mach'atic yu'un Gersón, Coat soc Merari.

Esdras 7:5

Abisúa, Finees, Eleazar soc Aarón te sbabial sacerdote.