Éxodo 5:6 - Bible in Tzeltal de Oxchuc y Tenejapa

⁶ Te faraón ora nax jajch' spas ta mandal te jwolwanejetic yu'un te tulan at'ele, soc te jtsobwanejetic yu'un te juju-jtsojbe. Jich la yal:

Bible in Tzeltal Bachajón

⁶ Te faraón hich la spas ta mandar ta yorahil nix te jtsobawetic soc te jsujawetic ta a'tel yu'un te pueblo:

Éxodo 5:6 Referans Kwoze

Éxodo 5:19

Te jtsobwanejetic yu'un israeletic mero tenbilic la yaiyic ta jyalel ta spasel adobe te jujun c'aale.

Éxodo 5:10

Jich bajt'ic te jwolwanejetic soc te jtsobwanejetic yu'un te juju-jtsojbe. Jich c'o yalbeyic te winiquetique: —La yal mandal te faraón te ma x'ac'botexix ac te ya acap soc te adobe.

2 Crónicas 26:11

Te Uzías ay soldadoetic yu'un te p'ijubenic ta guerra, chajbanbilic te ya xbeenic loq'uel ta guerra ta chajbalchajp, jich nix bit'il ich'bil ta wenta ta jun te spasoj te Jehiel, te cronista yu'un te muc' ajwalile, soc te Maasías, te jtsobwanej yu'unique. Spisil la swentain te Hananías, ja' te ay ta comandanteil yu'un te muc' ajwalile.

Josué 24:4

te snich'an la cac'beye, ja' te Isaac. Te Isaac la cac'bey cheb snich'nab, ja' te Jacob soc Esaú. Te Esaú la cac'bey te witstiquil ta Seir, yan te Jacob bajt' ta Egipto soc te snich'nabe.

Josué 8:33

Ta spisil te lum, ja' te sts'umbal Israel soc te jyanlumetic te sjoinej sbaic soque, spisil te mamaletic yich'oj yat'elic yu'un Israel, soc te jchajbanwanejetique, talic ta spisilic ta sts'eel scajonil trato yu'un te Cajwaltique, soc ta stojol te sacerdote-levitaetic te sq'uechojic ta snejq'uelique. Olil te lume la stejc'an sbaic ta yelaw wits Gerizim, soc te olil xane la stejc'an sbaic ta yelaw wits Ebal, jich te bit'il yaloj mandal c'alal ta xjajch'ibal te Moisés te yabat te Cajwaltique.

Deuteronomio 16:18

“Ac'beyaic yich' yat'el juecetic, soc ac'beyaic yich' yat'el yantic jwentainwanejetic ta stojol te lumetic ya yac'beyex ta chajbalchajp ats'umbalic te Cajwaltic te Dios cu'untique, swenta yu'un ya me xchajbanwanic ta mero stojil ta stojol te lume.

Deuteronomio 1:15

“Jich la quich' ta wenta ta juju-jchajp awu'unic te winiquetic ay sp'ijilic soc te yilojiquix spisil. La cac'bey swentainic jmil (1000) ta jtul winiquetic, ay yantic la cac'bey swentainic jo'winic (100) ta jtul, ay yantic la swentainic lajuneb yoxwinic (50) ta jtul, ay lajuntul winiquetic la swentainic, soc ay yantic la cac'bey yat'elic ta banti juju-jchajp te alumale.

Números 11:16

Ja'uc me to, te Cajwaltic la sjac': —Tsoba lajuneb xchanwinic (70) mamal-israeletic, te mach'atic ya ana' te ay yat'elic ta yolilic te lume. Ic'aic tel ta Nailpac' te bay ya quich' c'oponel, ac'a smaliyotic tey a.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Éxodo 1:11

Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Proverbios 12:10

Te mach'a toj yo'tan, ya sna' te ay yo'bolil sba te xchamsbalame; yan te mach'a amen yo'tane, ma'yuc bi ya sna'bey yo'bolil sba.

Josué 24:1

Te Josué la stsob ta Siquem spisil ta jchajp te sts'umbal Israel. La yic' ta stojol Cajwaltic te mamaletic yich'oj yat'elic, jwolwanejetic, jchajbanwanejetic soc te yantic ay yat'elique.

Éxodo 5:7

—Ma xawac'beyiquix ac te israeletic te ya scap soc te adobe, te bit'il yacalex ta spasel ta stojolique. Ac'a ba sleic tel stuquelic.