Éxodo 5:22 - Bible in Tzeltal de Oxchuc y Tenejapa

²² Jich yu'un te Moisés la sc'opon te Cajwaltique: —Cajwal, ¿bi yu'un te ya awac' c'axuc swocol te jlumale? ¿Bistuc la aticunonix tel a?

Bible in Tzeltal Bachajón

²² Ha yu'un te Moisés baht sc'opon xan te Jehová, hich la yal: Cajwal, ¿bin yu'un yac awa'be swocolic te pueblo ini? ¿Bin nix yu'un la aticonon tal a?

Éxodo 5:22 Referans Kwoze

Jeremías 20:7

Cajwal, ja'at la alo'layon; jich te jo'one la cac' jba ta lo'layel awu'un. Mero c'ax tulanat te ja'ate, jich la atsalon. Ta spisil ora xjajch'ibalon tse'ej; spisilic ya slabanonic.

Habacuc 2:3

Manchuc me ma to xc'ot sc'aalelal te ya xc'ot ta pasele, ma me yu'unuc ma xc'ot ta pasel. Ya me amaliy, manchuc me ya xjalaj yilel te jich ya xc'ot ta pasele.

Salmos 73:25

¿Mach'a ay cu'un ta ch'ulchan? Ja'at nax atuquel. Te c'alal ja'at joinejatix ae, ma'yuc bi ya jc'anix ta balumilal.

1 Reyes 19:10

La sjac' te Elías: —Mero bayal ac'oplal ya caiy ta co'tan, Cajwal Dios te Spisil ya xju' awu'une. Melel te jlumal israeletic la xch'ayix ta yo'tanic te bila achapoj soque. La sbusq'uiniquix ta jinel te scajtijib amajt'an te banti ya yich' chiq'uele, soc la smilic ta puñal te j'alwanejetic awu'une. Jtuquel xanix jilemon, pero ya sleonic yu'un ya slajinbonic jcuxlejal uuc —xi' te Elías.

1 Reyes 19:4

Te Elías toj bael ta jochol taquin q'uinal. Sjunal c'aal been, ja' to c'o snajc'an sba ta ye'tal retama-te'. Mero yo'tanuc ya xlajix, jich la yal: —¡Tiq'uix a, Cajwal! Lajinbonix te jcuxlejale. Ja' mas lec te ya xlajone, jich bit'il lajic te antiguo jme'-jtate —xi'.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

Números 11:11

jich la yalbey te Cajwaltique: —¿Bi yu'un te ma lecuc awo'tan ta jtojol te awabatone? ¿Bi yu'un ma lecucon ta asit te la awac'bon jwentain te lume?

Éxodo 17:4

Te Moisés la sc'opon te Cajwaltique, jich la yalbey: —¿Bi ya jpas soc te lume? Jteb xan meix ma smilonic ta ton —xi'.

Jeremías 12:1

Cajwal, teme ay bila ya xjajch' calbate, ja' smelelil ya awalbon atuquel. Ja'uc me to, ay nix bila ya jc'an jojc'obat a ta swenta in bitic to: ¿Bi yu'un lec ayic te mach'atic amenique? ¿Bi yu'un jun nax yo'tanic ta cuxinel te ay bila muquen ya xchapique?

Jeremías 4:10

Jich la cal te jo'one: —Ay, Cajwal, la me alo'lay ta c'op te yajwal Jerusalén. Melel jamal la awalbey te ya xlamaj q'uinal ta stojolique; ja'uc me to, nopolix ya xtaotic yu'un te cuchilloe —la cut.

Josué 7:7

Jich la yal te Josué: —¿Cajwal, bistuc la ac'asesotic tel soc spisil te lum ta muc'ja' Jordán? ¿Yu'un bal li' ya awac'otiquix ta sc'ab a te amorreoetic te ya smilotic ta jyalele? ¡Teyuc laj jilucotic a ta bay jejch' ja' Jordane!