Éxodo 5:21 - Bible in Tzeltal de Oxchuc y Tenejapa

²¹ Jich la yalbeyic: —Te Cajwaltic ya me yil te bila yacalex ta spasele, ac'a yac'beyex castigo. Melel ja'ex amulic te bit'il ma'yuquix jc'oplaltic ta yo'tan faraón soc te sjo'tac ta ajwalile. Ja'ex la awac'beyic yat'ejib ta sc'abic c'oem yu'un ya smilotic a —la yutic.

Bible in Tzeltal Bachajón

²¹ hich la yalbeyic: Te Jehová ac'a yilex soc ac'a yich'ex ta c'op, yu'un la awac' bohlobuquix jc'oblalcotic ta stojol faraón soc ta stojol te a'batetic yu'une; soc la awa'beyic espada ta sc'ab yu'un ya smilotcotic a, la yutic.

Éxodo 5:21 Referans Kwoze

Génesis 34:30

Te Jacob la yalbey te Simeón soc te Leví: —Ja'ex ta awentaic te bit'il ya me slab-o'tantayoniquix spisil te cananeoetic soc te ferezeoetic te nainemic li' ta q'uinal to. Te bit'il ma ba tsobolon te jo'one, ya me stsob sbaic tel xtal smilonic, jich ya xlajon soc spisil mach'a ay cu'un —xi'.

1 Crónicas 19:6

Te amonetic la sna'ic stojol te mero lab-o'tantaybilic yu'un te David. Jich yu'un te Hanún soc te amonetic la sticunic bael oxlajuneb xcha'winic (33) tonelada plata swenta stojol ta majanel te carretaetic yu'un guerra soc te soldadoetic te ya xcajajic ta caballo te ayic ta Mesopotamia, Siria, Maaca soc Soba.

2 Samuel 10:6

Te amonetic la sna'ic te bolob yo'tan ta stojolic te David. Ba yic' sjoinic jtab ta jmil (20,000) soldado-siriaetic ta Bet-rehob soc ta Soba, soc te muc' ajwalil ta Maaca la yac' jmil (1,000) swinictac, soc ac'botic lajchaymil (12,000) winiquetic yu'un Is-tob.

1 Samuel 27:12

Te Aquis jun yo'tan ta stojol, jich la yal ta yo'tan: “Te David jc'axel ilaybil yac ta c'oel yu'un te slumal Israel. Ya me cabatin spisil ora”, xi' yu'un.

1 Samuel 13:4

Spisil israeletic la yaiyic te bit'il te Saúl la slajin te jchajp soldado-filisteoetic, te ja' swentail te mero jajch'em slab yo'tanic ta stojol hebreoetic te filisteoetique. Ja' yu'un te soldadoetic la stsob sbaic soc Saúl ta Gilgal.

Éxodo 6:9

Te Moisés la yalbey te israeletique; ja'uc me to, ma ba la yich'beyic ta muc' te sc'ope, yu'un chebajemix yo'tanic ta scaj te tulan ta jyalel te mozoinele.

Génesis 16:5

Jich yu'un te Sarai la yalbey te Abram: —Ja'at me ta awenta te bit'il ay jwocol. La cac'bat ajoin ta wayel te jcriada; ja'uc me to, te bit'il yic'ojix yal, ma'yuc jc'oplal ta yo'tan. Dios me ya yac' ta na'el stojol mach'a smul, teme ja'ate, o teme jo'one —xi'.

Joel 2:20

Ya me jloq'uesbeyex ta atojolic te c'ulubetic ya xtalic ta norte, ya me cac' bael ta jochol taquin q'uinal. Ya me cac'bey sjic' ja' ta Mar Muerto te j'il-q'uinal yu'un ta naile, ya me cac'bey sjic' ja' ta Mar Mediterráneo te j'il-q'uinal yu'un ta spate. Tey me ya xc'a' sbaq'uetalic, tey me ya xtuub a. Muc' me te bitic ya jpase —xi'.

Eclesiastés 10:1

Te ja te lajeme, teme tuube, ya xch'aybey yic' te lequil perfume. Ja' nix me jich te jp'al bol c'ope, ya me xch'aybey yutsil te lequil p'ijil c'ope.

Éxodo 14:11

Soc jich la yalbeyic te Moisés: —¿Yu'un bal ma wejt'ix muquenaletic ta Egipto te la aloq'uesotic tel tey a, te tal awac' lajucotic ta muc'ul jochol taquin q'uinale? ¿Bistuc jich la apasbotic? ¿Bistuc la aloq'uesotic tel ta Egipto?

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Génesis 31:53

Ja' me ya yilotic te Dios yu'un te amam Abraham soc te Dios yu'un te jmam Nacor —xi'. Jich la yal ta jamal te Jacob ta stojol te Dios te yich'oj ta muc' te state, ja' te Isaaque.

Éxodo 5:20

C'alal loq'uic bael ta stojol faraón, la sta sbaic soc te Moisés soc te Aarón te yacalic ta smaliyele.

Éxodo 15:24

Te lum jajch'ic ta sbolc'optayel te Moisés, jich la yalbeyic: —¿Bi ya cuch'tic? —xiic.

Éxodo 16:2

Ta jochol taquin q'uinal tey jajch'ic ch'inlajanel ta c'op ta scontroinel a te Moisés soc te Aarone.

Números 14:3

¿Bi yu'un la yic'otic tel Cajwaltic li' ta lumq'uinal to? ¿Swenta bal yu'un ya xlajotic ta guerra? Te quinamtic soc te jnich'nabtic ya x'ochic ta sc'ab te jcontrotique. Ja' lec xan te ya sujt'otic bael ta Egipto —xiic.

Números 14:22

Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Isaías 30:6

J'alwanej c'op ta stojol chambalametic te ayic ta Néguev: Ta lumq'uinal te nojel yu'un te bitic xiweltic sbae, tey nainemic a te león-chojetic ya x'awunique, te jti'awal chanetic soc te dragonetic te ya xwilique, ya yich'ic bael te sc'ulejalique. Ya yac'beyic scuch bael te sburroic soc te scamelloic c'alal ta Egipto te lum te ma'yuc sc'oplal ta jyalele,