Éxodo 40:34 - Bible in Tzeltal de Oxchuc y Tenejapa

³⁴ tal ta muquel ta tocal te Nailpac' te bay ya yich' c'oponel te Diose. Te yutsil xojobil te Cajwaltic noj yu'un te ch'ul awilale.

Bible in Tzeltal Bachajón

³⁴ Ha yu'un te tocal la smuc te Nahilpac' Templo yu'un tahojibal, te yutsilal Jehová noj yu'un te Nahilpac' Templo.

Éxodo 40:34 Referans Kwoze

Apocalipsis 15:8

Noj ta ch'ail te temploe. Ja' xch'ailel xojobil yutsilal soc yu'el te Diose. Jtul ma'yuc mach'a ya xju' yu'un te ya x'och tey a ja' to teme lajix ta pasel a te juqueb castigoetic yich'oj ta sc'abic te juctul ch'ul abatetique.

2 Crónicas 7:2

Ja' swentail te ma ju' ochiquix ta templo te sacerdoteetique.

Éxodo 29:43

Tey me ya jta jba soc a te israeletique. Ch'ultesbil me cu'un ya xc'ot te bay ya jta jba soque.

Éxodo 14:24

Ijc' to a te q'uinal te Cajwaltic la yil loq'uel ta yolil te balal tocal soc te c'ajq'ue. Ja' tijbotic jajch'el xiwel yu'un ta stojolic te egipcioetic, jich nax ma tojobic jajch'el ta beel.

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Éxodo 33:9

Te c'alal nax ya x'och bael, ya xcoj tel te tocale. Tey mero ya yac' sba ta yochibal te Nailpac' Templo, te c'alal ya xc'opoj soc Cajwaltic te Moisese.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Hageo 2:9

Ja' xchebal templo in to, c'axem me jich st'ujbilal te bit'il yan sbabial templo. Ya me cac' lamajuc q'uinal li' in to. Jo'on te Ajwalilon te Spisil ya xju' cu'une ya cal ta jamal —xi' te Cajwaltique.

Hageo 2:7

Ya me cac' nijc'uc ta spisilic te nacionetique. Ya me yich'ic tel sc'ulejalic, te templo cu'un ay me bayal yutsil ya xc'ot —xi' te Cajwaltic te Spisil ya xju' yu'une. Soc jich ya yal ta jamal te Cajwaltique:

Isaías 6:4

C'alal toy te sc'ope, cajic ta nijq'uel te ti'nailetic yu'un templo. Te templo noj ta ch'ail.

2 Crónicas 5:13

Ta spisilic jun nax la yac' sbaic ta yoq'uesinel te oq'uesetique, soc ta c'ayoj ta yalel yutsil sc'oplal soc ta yalel wocol ta stojol te Cajwaltique. Yacalic ta yoq'uesinel te oq'uesetic, soc yacalic ta stijel te platilloetic soc te yantic at'ejibaletic yu'un música te c'alal yacalic ta c'ayoj a: “Albeyaic yutsil sc'oplalte Cajwaltic, melel mero lec yo'tan,melel te xc'uxul yo'tanesbajt'el q'uinal ay”, xiic ta c'ayoj. Te c'alal jich yacal ta pasel a, noj ta tocal te templo yu'un te Cajwaltique.

Éxodo 25:8

Ya me apasbonic ch'ul awilal, yu'un tey me ya x'ainon ta awolilic.

Romanos 9:4

Ja'ic te israeletic te ochic ta yal-snich'an te Diose. Ac'botic yilic te yutsilale, te la xchap trato soque, la yac'bey te mandalile. Ac'botic sna'ic te bit'il ay ta ich'el ta muc' te Diose, soc te bila yaloj te Diose.

Números 7:89

C'alal och bael Moisés ta Nailpac' te bay ya yich' c'oponel te Cajwaltic, te yu'un ya sc'opone, la yaiybey stojol te ya xloc' tel sc'op tey ta sba cajón yu'un trato, ta yolil sloc'omba te querubinetique.

2 Samuel 7:6

Ja' to nix te c'alal la jloq'ues tel ta Egipto te israeletic, c'alal ora, ma'yuc bi ora nainemon ta templo, melel ta bayuc nax nailpaq'uil beenemon a.

Ezequiel 10:4

Te xojobil yutsilal te Cajwaltic toy moel ta sbaic te querubínetique, toj bael ta yochibal templo. Te tocal la snojes te templo, te yamac'ule sacub q'uinal yu'un te xojobil yutsilal te Cajwaltique.

Éxodo 16:10

Te bit'il jajch' ta c'op Aarón ta stojol spisil te israeletique, la yilic bael ta jochol taquin q'uinal. La yilic te xojobil yutsilal Cajwaltic te la yac' chicnajuc ta tocale.

Salmos 26:8

Cajwal, mero toyol co'tan yu'un te templo awu'un ta bay nainemate, ja' te awilal te bay xojobajem te awutsilale.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.