Éxodo 40:16 - Bible in Tzeltal de Oxchuc y Tenejapa

¹⁶ Te Moisés jich la spas spisil te bit'il nix albot mandal yu'un te Cajwaltique.

Bible in Tzeltal Bachajón

¹⁶ Te Moisés la spas spisil hich te bin ut'il halbot yu'un te Jehová.

Éxodo 40:16 Referans Kwoze

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

1 Corintios 4:2

Ta ora to, te mach'a ay ta swenta spuquel te sc'op Diose, ya sc'an te jun nax yo'tan ya yat'elin spuquele.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Hebreos 3:2

Melel te Jesuse jun yo'tan ta at'el ta stojol Dios te ac'bot spas yu'un in at'el to, jich te bit'il Moisés te jun nax yo'tan ay ta abatinel ta bay sna te Diose.

Hebreos 3:5

Jich te Moisese, te abat nax yu'un te Diose, jun nax yo'tan la yac' sba ta abatinel ta bay sna te Diose. Ja' yat'el ac'bot spas tey a te ya yalbey sc'oplal te bila ya yal ta patil te Diose.

Éxodo 40:15

Balanbeya aceite ta sjolic, jich bit'il ya apasbey te Aarón swenta yu'un sacerdoteetic me ya xc'ot cu'un. Te bit'il jich ya yich'ic ac'beyel aceite ta sjolic, ja' me te jich ma xch'ay te at'el sbajt'el q'uinal te ay sacerdoteetic cu'une —xi' te Cajwaltique.

Jeremías 13:5

Jich boon ta muc'ja' Éufrates, tey la jnac' jilel a, jich bit'il yalojbon mandal te Cajwaltique.

Génesis 6:22

Jich la spas te Noé spisil bitic albot ta mandal yu'un te Diose.

Éxodo 7:6

Jich yu'un te Moisés soc te Aarón jich la spasic spisil te bit'il nix la yal mandal te Cajwaltique.

Levítico 8:9

La yac'bey ta sjol te xpixol pac'; ta sti'ba la yac'bey te lejch'el taq'uin te pasbil ta oro te ya yac' ta na'el te yich'ojix te ch'ul at'el ta sacerdoteile. Mero jich nix la spas te bit'il albot yu'un te Cajwaltique.

Levítico 8:13

Ja' nix jich la yic' tel ta stojol te snich'nab Aarón. La yac'bey slapic najt'il c'u'iletic, la xchucbey ta xchujq'uil, soc la yac'bey ta sjolic te xpixol paq'uique. Mero jich nix la spas te bit'il albot yu'un te Cajwaltique.

Levítico 8:21

La spoc ta ja' te bitic ay ta yutil xch'ujt', soc la spocbey ya' te chije, la xchic' spisil ta scajtijib majt'anil, ja' majt'anil te bujts'an yic' ta stojol te Cajwaltic, jich nix te bit'il albot yu'une.

Números 1:19

jich bit'il yaloj mandal Cajwaltic ta stojol Moisés. Ja' te censo la yich' pasel ta jochol taquin q'uinal ta Sinaí.

Números 9:22

Teme la scom sba ta sba te ch'ul awilal te tocal, teme cheb c'aal, teme jun u, o teme jun ja'wil, jich jun nax yo'tanic la spas scampamentoic, ma ba jelawic bael. Ja'uc me to, teme jajch' ta beel te tocale, jich yu'un te israeletic jajch'ic ta beel.