Éxodo 40:13 - Bible in Tzeltal de Oxchuc y Tenejapa

¹³ Te Aarón ac'a slap te t'ujbil c'u'ile. Balanbeya aceite ta sjol, jich me ya jch'ultes ta sacerdoteil.

Bible in Tzeltal Bachajón

¹³ Soc ya me awa'be slap te ch'ul c'u'uletic te Aarón, ya me amal ta aceite, ya me ach'ultes scuenta yu'un sacerdote cu'un ya xc'oht a.

Éxodo 40:13 Referans Kwoze

Éxodo 28:41

“Jich me ya awac'bey sc'u'-spac' te abanquil Aarón te bit'il to, soc te snich'nabe. Ya me amalbey aceite ta sjolic swenta yu'un ya yich' yat'elic ta sacerdoteil te ya jch'ultes ta abatinel.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

1 Juan 2:20

Yan te ja'exe, malbilix ta awo'tanic te Ch'ul Espiritue, jich spisil ya ana'iquix te bitic aye.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

Hebreos 10:10

Jich la yutstesotiquix ta jc'axel a te Dios ta swenta bit'il la spasbey sc'anjel yo'tan Dios te Jesucristoe, te jun nax buelta la yac' sba ta lajel sbajt'el q'uinal.

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Éxodo 40:14

Ic'a tel ta atojol uuc te snich'nab, ac'beya slapic te snajt'il c'u'ique.

Levítico 7:36

Te Cajwaltic la yalbeyix mandal te israeletic te ya yac'beyic Aarón soc te sts'umbal te c'alal bi ora ya yich'ic ch'ultesel ta stojole. Stalel me jich mandal ya xjil ta stojolic te israeletic, jich me ya yac'bey yich'ic ta cajalcaj bael ta spisil ora te sacerdoteetic, ma me ayuc bi ora ya xch'ay te smandale.

Levítico 8:13

Ja' nix jich la yic' tel ta stojol te snich'nab Aarón. La yac'bey slapic najt'il c'u'iletic, la xchucbey ta xchujq'uil, soc la yac'bey ta sjolic te xpixol paq'uique. Mero jich nix la spas te bit'il albot yu'un te Cajwaltique.

Éxodo 29:7

Tsaca te aceite ta swenta ch'ultesel, malbeya ta sjol Aarón, jich me ya yich' ch'ultesel ta sacerdoteil.

Levítico 7:35

Te majt'aniletic ya yich' chiq'uel swenta yich'el ta muc' te Cajwaltique, tey me ya xloc' a te bila ya xc'ot ta swenta te sacerdote Aarón soc te sts'umbale. Ja' me ya xjajch' ta aq'uel a te bi c'aalil ya yich' ch'ultesel soc sts'umbal te ya yac' ochel ta sacerdoteil te Cajwaltique.