Éxodo 4:15 - Bible in Tzeltal de Oxchuc y Tenejapa

¹⁵ Albeya yaiy, cholbeya spisil te bila ya xc'o yale. Ya me xc'opojon loq'uel ta aweic te c'alal ya xc'opojexe. Ya me calbeyex xan ta patil te bila ya apasique.

Bible in Tzeltal Bachajón

¹⁵ Ha'at yac awalbe ya'iy te bin ya xc'oht yal; soc ya jcoltayex ta c'op ta achebalic, soc ya ca'beyex anopic te bin yac apasique.

Éxodo 4:15 Referans Kwoze

Isaías 51:16

La jlim bael te ch'ulchan soc la cac'bey yiptajib te balumilale. Jo'on la cac'bat ta awe te jc'ope, soc la jcanantayat ta yaxinal te jc'abe. La calbey te Sión: “Ja'at lumat cu'un”, la cut —xi' te Cajwaltique.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

Números 23:16

Te Cajwaltic loc' sta sba soc Balaam, la yac'bey ta ye te bila ya xc'o yale, soc jich la yalbey: —Sujt'an bael ta bay Balac. Jich nix me xawal loq'uel te bit'il calojbate —xi' te Cajwaltique.

Números 23:12

Te Balaam la sjac': —Melel la jchaptic te ja' nax me ya cal te bila ya yalbon loq'uel ta que te Cajwaltique —xi'.

Números 23:5

Jich yu'un te Cajwaltic la yac'bey ta ye te Balaam te bila ya yale, jich la yalbey: —Sujt'an bael ta bay Balac, jich ya awalbey te bit'il nix calojbate —utot.

Jeremías 1:9

Jich yu'un te Cajwaltic la yac' tel sc'ab, la spicbon que soc jich la yalbon:

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

2 Samuel 14:3

Ya me xba atejc'an aba ta stojol te muc' ajwalile, soc mero jich ya xc'o awalbey te bit'il ya calbat awaiye —la yut. Te c'alal Joab laj yo'tan ta yalel te bi ya xc'o yal ta stojol muc' ajwalil,

Números 22:38

Te Balaam la sjac': —Pero li' ayonix to, tal cula'tayatix. Ja'uc me to, ma me ayuc cu'el ta c'op jtuquel, ja' nax me ya cal te bila ya yalbon te Diose —xi' te Balaam.

Éxodo 4:12

Baan me jiche, ya xc'opojon loq'uel ta awe, ya me calulaybat awaiy te bila ya awale —xi' te Diose.

1 Corintios 11:23

Yu'un te jo'one, la cac'beyex anopic te bila la yalbon te Cajwaltique. Ja' bi, ja'ix ta ajc'ubal a te ya x'ac'ot ta c'abal te Cajwaltic Jesuse, la stsac ta sc'ab te waje.

Deuteronomio 5:31

Yan te ja'ate ya me xjilotic li'to, ya me calbat awaiy spisil ta jchajp te mandaliletic cu'un soc te bitic chapale, swenta yu'un ya me awac'bey snopic, soc ya me spasic bael spisil ora ta lumq'uinal te ya cac'bey yu'uninique”, xi' te Cajwaltique.

1 Corintios 15:1

Ta ora to, quermanotac, ya calbeyex xan ta jamal te lec yach'il c'op te la jcholbeyex awaiyique. La awich'ic ta muc' te c'alal la awaiyic stojole soc jun awo'tanic ach'uunejic ta ora to.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Éxodo 4:28

Jich yu'un te Moisés la xcholbey Aarón spisil bitic albil yu'un te Cajwaltique, soc la yalbey te muc'ul jchajp at'eliletic te ya x'ac'bot spase.

Éxodo 4:30

Te Aarón la xcholbey spisil ta stojolic te bitic albil yu'un Dios te Moisés. Soc la spasbey ta sitic te lum te señailetic yu'el Dios te albilic mandal te ya spasique.

Números 16:28

Te Moisés la yal xan: —Ta ora to ya jpasbeyex prueba awilic te ja' te Cajwaltic la sticunon tel ta spasel spisil te bitic ya jpase, te ma me ja'uc ya jpas te sc'anjel co'tane.

1 Samuel 16:3

Patil ya me awic' tel te Isaí ta sti'el te ch'in wacax, jo'on ya calbat te bi ya apase. Ja' me ya amalbey aceite ta sjol yu'un ya x'och ta muc' ajwalil te mach'a ya calbate —xi' sc'oplal.

Salmos 51:15

Cajwal, jambon que, yu'un jich me ya jc'ajintayat ta yalel yutsil ac'oplal.

Jeremías 36:32

Jich yu'un te Jeremías la stsac yan balbil jun, la yac'bey Baruc te secretario yu'une; te ja' la sts'ibuy spisil te bila la yal Jeremiase. La yac' ta ts'ibuyel spisil nix te bila ts'ibubil ta balbil jun te la xchic' te muc' ajwalil Joacime, soc bayal to xan la yac' ochel yantic aiyejetic te pajal sc'oplal soque.

Salmos 25:12

Te mach'a ya yich' ta muc' te Cajwaltique, ja' ya x'ac'bot yil yu'un te be te ya st'une;