Éxodo 4:12 - Bible in Tzeltal de Oxchuc y Tenejapa

¹² Baan me jiche, ya xc'opojon loq'uel ta awe, ya me calulaybat awaiy te bila ya awale —xi' te Diose.

Bible in Tzeltal Bachajón

¹² Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.

Éxodo 4:12 Referans Kwoze

Jeremías 1:9

Jich yu'un te Cajwaltic la yac' tel sc'ab, la spicbon que soc jich la yalbon:

San Marcos 13:11

Te c'alal ya x'ac'otex ta c'abale, ma me xanopilay ta awo'tanic te bila ya xc'o awalique. Ma me xanop ta awo'tanic xujt'uc. Ja' me ya awalic te bila ya yalbeyex ta awo'tanic te Diose te c'alal ayatix tey a, melel ma ja'uquex te ya xc'opojexe. Ja' ya xc'opoj stuquel te Ch'ul Espiritue.

Isaías 50:4

Te Cajwaltic la yac'bonix p'ijubtesel swenta yu'un ya jmuc'tesbey q'uinal yaiyic te mach'atic lubenique, ja' te c'opetic te ya xjam q'uinal yaiyic yu'une. Ta jujun sab ya yac'bon cat'elin yaiyel stojol, lamal co'tan ta yaiyel.

Efesios 6:19

Soc c'oponbonic Dios ta jwenta uuc, swenta yu'un ya me scoltayon ta c'op te c'alal ya cal te sc'op Diose, soc ma me xiw co'tan te ya cac' ta na'el te lec yach'il c'op te muquen ay ta neelal toe.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Lucas 11:1

Ay jun buelta te c'alal laj yo'tan ta sc'oponel Dios te Jesuse, ay jtul jnopojel te jich la yal: —Cajwal, p'ijubtesawotic ta sc'oponel Dios uuc jich bit'il te Juan la sp'ijubtes te jnopojeletic yu'une —xi'.

Isaías 49:2

Te que, jich la sc'atp'un te bit'il puñal te juxbile, la snac'on ta yaxinal te sc'abe; jich la sc'atp'unon te bit'il sjayal sni' yat'ejibal t'im, tey la sq'uejon ta yawil te scuchoj ta spate.

Salmos 143:10

P'ijubtesawon ta spasel sc'anjel awo'tan, melel ja'at Diosat cu'un. Te lequil espíritu awu'un, ac'a yic'on bael ta toj be.

Salmos 32:9

Ma me jichucat te bit'il macho soc caballo, te ma'yuc sp'ijil yo'tanique, te ja' to ya yich' comel yip a ta sfrenoil ye soc ta snitjibal; teme ma jichuc ya apasbey, ma xch'uun mandal awu'un”, xi' te Cajwaltique.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Éxodo 4:13

Te Moisés la xcha'yalbey xan te Diose: —¡Cajwal! Ya calbat wocol, ja' lec te yacuc aticun bael yan —xi'.

Éxodo 4:15

Albeya yaiy, cholbeya spisil te bila ya xc'o yale. Ya me xc'opojon loq'uel ta aweic te c'alal ya xc'opojexe. Ya me calbeyex xan ta patil te bila ya apasique.

Éxodo 4:16

Ja' me ya sc'asesbat ac'op ta stojol te lume. Te ja'ate ya xc'opojat loq'uel ta ye c'oem, jich me c'oemat te bit'il te Diose.

Números 16:28

Te Moisés la yal xan: —Ta ora to ya jpasbeyex prueba awilic te ja' te Cajwaltic la sticunon tel ta spasel spisil te bitic ya jpase, te ma me ja'uc ya jpas te sc'anjel co'tane.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

Salmos 105:26

Ja' yu'un te Dios la sticun te yabat Moisés, soc Aarón te tsabil yu'une,