Éxodo 39:39 - Bible in Tzeltal de Oxchuc y Tenejapa

³⁹ te scajtijib ta chiq'uel milbil majt'anil pac'bil ta potsel ta bronce soc srejail, te sq'uechjibal soc spisil te bitic ya xtuun yu'un; te yawil ja' soc te scajtijib;

Bible in Tzeltal Bachajón

³⁹ te scajtajib ta chiq'uel mahtanil potsbil ta bronce soc te bin jalbil ta bronce, te sq'uechojibal soc spisil te bintic ya xtuhun tey a, te yawil ha' soc scajtajib;

Éxodo 39:39 Referans Kwoze

1 Reyes 8:64

Ja' nix ta yorail a, te muc' ajwalil la xch'ultes te yolil te amac' te ay ta sti' te templo yu'un Cajwaltic. Tey la yac'bey te smajt'an Dios te scojt'ol ya yich' chiq'uel, soc te smajt'an harina soc te xepuil te milbil smajt'an swenta lamal-o'tanile. Melel te scajtijib ta chiq'uel smajt'an Dios pasbil ta bronce te ay ta stojol te Cajwaltique, lom ch'in, jich ma ba ya x'och a te chic'bil smajt'an te Diose, te smajt'an harina soc te xepuil te milbil smajt'an Dios swenta lamal-o'tanile.

Éxodo 38:30

Ja' te bronce te la yich' pasel a te yiptajibic ta sti'il te Nailpac' te bay ya yich' c'oponel te Cajwaltic, te scajtijib ta chiq'uel milbil majt'anil soc srejail, spisil te bitic ya xtuun ta scajtijib te milbil majt'anil,

Éxodo 27:4

Ya me apasbey srejail ta bronce. Ac'beya chaneb xch'ocowil pasbil ta bronce ta jujun xujc' te rejae.

Éxodo 30:18

—Pasa yawil ja' ta bronce, soc scajtijib. Ja' me ya xtuun ta swenta pocjibal. Tey me ya awac' ta yelaw te Nailpac' te bay ya quich' c'oponele, c'axel bael jtebuc ta bay scajtijib ta chiq'uel milbil jmajt'an. Nojesa ta ja'.

Éxodo 39:38

te xchic'jibal pom te pac'bil ta oro; te aceite swenta ch'ultesel; te pom bujts'an yic'; te pac' swenta yochibal ta Nailpac' te bay ya yich' c'oponel Dios;

Éxodo 39:40

te paq'uetic yu'un scorralil, te oyetic yu'un soc te yiptajibique; te pac' ta yochibal yamac'ul; te ch'ajanetic soc te estacaetic yu'un te scorralile, spisil te bila ya xtuunic ta swenta sna'el Dios ta ch'ul awilal, ja' te Nailpac' te bay ya yich' c'oponel Dios,

Éxodo 27:1

“Pasbon scajtijib ta chiq'uel milbil jmajt'an ta acacia. Pajal me sp'isol ta xchanxujc'ul, cheb metro soc jo'eb xcha'winic centímetro (2.25) te jujun xujc', jun metro soc jo'eb xcha'winic centímetro (1.25) te stoylejale.