Éxodo 39:32 - Bible in Tzeltal de Oxchuc y Tenejapa

³² Ju' ta pasel te Nailpac' Templo yu'un Dios, ja' te Nailpac' te bay ya yich' c'oponel te Diose. Te israeletic jich nix c'ot ta pasel yu'unic spisil te bit'il yaloj mandal te Cajwaltic ta stojol Moisés.

Bible in Tzeltal Bachajón

³² Hich hu' spisil te a'tel yu'un te Nahilpac' Templo, ha te Nahilpac' Templo yu'un tahojibal. Te snich'nab Israel la spasic spisil hich te bin ut'il halbot yu'un Jehová te Moisés.

Éxodo 39:32 Referans Kwoze

Éxodo 25:40

Ya me anop ta lec te señail, yu'un jich me ya apas te bit'il la cac'bat awil ta witse.

Hebreos 8:5

In te banti ayic ta at'el in sacerdoteetic to, seña to nax soc snojq'uetal to nax te bila ay ta ch'ulchane. Jna'ojtic stojol te ja' nax sloc'omba, melel jich albot yu'un Dios te Moisese te ya xjajch'ix ta pasel yu'un a te nailpac' temploe: “Na'ame ta lec. Jich me xapas te bit'il la cac'bat awil ta ba wits”, te xi' sc'oplal yu'une.

Hebreos 3:2

Melel te Jesuse jun yo'tan ta at'el ta stojol Dios te ac'bot spas yu'un in at'el to, jich te bit'il Moisés te jun nax yo'tan ay ta abatinel ta bay sna te Diose.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

1 Crónicas 28:19

Spisil ts'ibubil ta jun, la yich' aq'uel tey a te bitic la yac' ta na'el a te Cajwaltic ta stojol David, ta bay xcholojbey sc'oplal spisil te at'el te ya yich' pasel jich te bit'il ay ta splanoile.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Números 3:31

Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

Éxodo 40:32

Ya spoc sbaic tey a te c'alal ya x'ochic bael ta Nailpac' te bay ya yich' c'oponel Dios, soc te c'alal ya xc'ot ta bay scajtijib ta chiq'uel te majt'anil, jich bit'il yaloj mandal Cajwaltic ta stojol te Moisese.

Éxodo 39:33

La yac'beyic Moisés te ch'ul awilal yu'un Dios, ja' te Nailpac' te bay ya yich' c'oponel soc spisil te bitic ya xtuun yu'une: te staq'uinal lucajtic; ch'ujte'etic; q'uechjibalil; oyetic soc yiptajibic;

Éxodo 39:31

La xchucbey ch'in ch'ajan ta morada, la slejch'anbey ta sti'ba ta xpixol pac', jich bit'il la yal mandal Cajwaltic ta stojol Moisés.

Éxodo 12:28

Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.

Éxodo 31:7

ja' te Nailpac' te bay ya quich' c'oponele, te scajonil trato, te yawil perdón, soc ta spisil te bitic ya xtuun yu'un te Nailpac' Templo:

Éxodo 40:1

Te Cajwaltic la sc'opon Moisés, jich la yalbey:

Éxodo 40:3

Te scajonil trato ac'a me ta mero yutil. T'imana c'axel te pac' te ya stsal ta olil te Nailpac' Templo.

1 Reyes 6:38

Ta sbuluchebal ja'wil yat'el ta muc' ajwalil te Salomón ta u yu'un Bul, te ja' swaxaquebal u sjajch'el ja'wil, ju' ta pasel te templo, jich nix te bit'il la yich' chapel te c'alal och ta pasele. Juqueb ja'wil a ju' yu'un te templo te Salomón.

1 Reyes 7:40

Te Hiram la spas oxometic, palaetic, soc muc'ul tazaetic. Jich ju' yu'un spisil te at'el ac'bot spas yu'un Salomón ta templo.