Éxodo 39:30 - Bible in Tzeltal de Oxchuc y Tenejapa

³⁰ La spasbeyic lejch'el lequil oro ta swenta ch'ultesel ta sacerdoteil. Jich la spas bit'il ya yich' pasel sello, la xch'ojtilay ta bojel: “Ja' yu'un te Cajwaltique”, te xie.

Bible in Tzeltal Bachajón

³⁰ La spasic te ch'ul lehchel taq'uin ta puro oro soc la sts'ihbayic ochel tey a hich te bin ut'il ta sello: CH'ULTESBIL TA STOJOL JEHOVÁ.

Éxodo 39:30 Referans Kwoze

Apocalipsis 5:10

La awac'beyix yat'elic ta ajwalil soc ta sacerdoteil ta stojol te Dios cu'untique, soc ya me xmandalajic ta balumilal”, xiic ta c'ayoj.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Zacarías 14:20

Te c'alal ya sta sc'aalelal asta te caxcabel te stsinlajan yu'un caballoetic, ya me yich'ic ts'ibuyel tey a te c'op: “Ch'ultesbil ta stojol Cajwaltic”, te xie. Te ollaetic yu'un Templo, mero ch'ultesbil me, jich te bit'il te muc'ul tazaetic ayic ta stojol te scajtijib ta chiq'uel smajt'an Dios.

Éxodo 26:36

“Ya me apasbey smajq'uil pac' ta yochibal te Nailpac', jalbil me ta stsotsil chij bonbil ta morada, púrpura soc tsaj, soc te lequil ts'otbil linoe. Buen lec me ya yich' ch'alel ta ts'isel.

Éxodo 39:29

Jich nix ts'otbil lino la yich' jalel a te xchujq'uil xch'ujt' ta naubil stsotsil chij te bonbil ta morada, púrpura soc tsaj. T'ujbil c'ot ta ch'alel ta ts'isel, jich bit'il la yal mandal Cajwaltic ta stojol Moisés.

Éxodo 39:31

La xchucbey ch'in ch'ajan ta morada, la slejch'anbey ta sti'ba ta xpixol pac', jich bit'il la yal mandal Cajwaltic ta stojol Moisés.