Éxodo 39:27 - Bible in Tzeltal de Oxchuc y Tenejapa

²⁷ Te jlam nax snajt'il c'u' pasbil ta lino ta swenta te Aarón soc te snich'nab, ja' la spas te mach'a ya sna' te jalabe.

Bible in Tzeltal Bachajón

²⁷ Ha nix hich la spasbeyic ta t'ujbil lino te smuc'ul-c'u' te Aarón soc snich'nab, ha ya'tel mach'a ya sna' jalab;

Éxodo 39:27 Referans Kwoze

Ezequiel 44:18

Ya me yich'ic bael ta sjolic sbejch'il pasbil ta lino, soc ya me slapic bael xwexic pasbilic ta lino. Ma me ayuc bila ya sbech' ta xch'ujt'ic te ya xchiq'uinic yu'une.

1 Pedro 1:13

Jich yu'un, chajbana me abaic soc ayuc me sp'ijil awo'tanic. Junuc me awo'tanic ya amaliyic spisil ora te bila ya yac'beyex Dios ta swenta yutsil yo'tan te c'alal ya xchicnaj tel te Cristo Jesuse.

Gálatas 3:27

Melel te jayebex te awich'ojic ja' ta swenta te Cristoe, ja' ac'u'inejiquix te Cristoe.

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Romanos 3:22

Ja' nax toj ya x'ilot yu'un Dios te mach'atic ay xch'uunjel yo'tanic ta stojol te Jesucristoe. Pajal sc'oplal spisil te ants-winiquetique,

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Levítico 8:13

Ja' nix jich la yic' tel ta stojol te snich'nab Aarón. La yac'bey slapic najt'il c'u'iletic, la xchucbey ta xchujq'uil, soc la yac'bey ta sjolic te xpixol paq'uique. Mero jich nix la spas te bit'il albot yu'un te Cajwaltique.

Éxodo 39:26

jun ch'in campana soc jun sloc'ombail sit granado te jich ta jich bajt' ta pasel yu'un a te sti'ile. Ja' ya slap a te c'alal ya spas yat'el te muc' sacerdote, jich bit'il la yal mandal Cajwaltic ta stojol Moisés.

Éxodo 39:28

Ja' nix jich te spixol pac', te xchujq'uilic soc te scomol wexic la spas ta ts'otbil lino.

Levítico 6:10

Te sacerdote ya me slap sc'u' soc scomol wex, pasbilic ta lino. Ya me stsobbey te stanul te chambalam la yich' chiq'uel ta sba te scajtijib, ya me yac' jilel ta xujc' te scajtijib majt'anile.

Ezequiel 44:17

Te c'alal ya x'ochic bael tey ta yochibal amac' ta yutile, ya me sc'an te ya slapic bael sc'u'ic pasbil ta lino. Te c'alal ayic ta at'el ta amac' ta yutil ae, o ta mero templo, ma me slapic bael sc'u'ic pasbil ta tsots.

Éxodo 28:36

“Pasa lejch'el taq'uin ta puro oro. Ya me ats'ibuy tey a in c'op to, jich me ya yich' pasel te bit'il sello: “JA' YU'UN TE CAJWALTIQUE”, xi' me.