Éxodo 38:9 - Bible in Tzeltal de Oxchuc y Tenejapa

⁹ Te Bezaleel la spas te scorralil Nailpac' Templo. Ta stojol sur jo'eb yoxwinic (45) metro te spac'al te jalbil ta ts'otbil lino la yac'beye.

Bible in Tzeltal Bachajón

⁹ Soc la spas te amac'. Ta stojol sur, ho'winic (100) xuhc'ubil te spac'al jalbil ta ts'otbil lino.

Éxodo 38:9 Referans Kwoze

Salmos 100:4

La'ic ta bay te ti'nailetic yu'une, ochanic ta templo, ya jc'ajintaytic c'ayojetic ta yalel yutsil sc'oplal soc ta yalel wocol. Albeyaic wocol, albeyaic yutsil sc'oplal te yo'tane.

Salmos 92:13

Ts'unbilic c'oem ta templo yu'un te Cajwaltic; ya xnichinic ta yutil templo yu'un te Dios cu'untique.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

Salmos 84:10

C'ax bayal yutsilal teme jun c'aal ya x'ainon ta templo awu'une; manchuc me jmil c'aal ya x'ainon ta q'uejel, pero ma pajaluc yutsilal soc stuquel. Ja' me ya jmulan te ya x'ochon ta jcanan-ti'nail ta templo yu'un te Dios cu'une; ma me ja'uc ya jmulan te ya x'ainon ta banti ay ta pasel te bitic amene.

Salmos 84:2

Ta mero spisil co'tan soc yutsil co'tan ya jc'an te spisil ora ya xtalon ta yutil te templo awu'une. Ta spisil co'tan buen bayal yutsil q'uinal ya caiy te ya jc'ajintay te cuxul Diose.

1 Reyes 6:36

Soc la spas te scorral-ts'ajc'ul te amac' ta yelaw te templo, la yac'bey oxchol walubil tonetic soc jchol ts'amte'etic yu'un cedro.

Éxodo 40:33

Te Moisés la spas ta slajibal te scorralil ta sjoyobal te Nailpac' Templo soc te scajtijib ta chiq'uel te milbil majt'anile. La sjojc'anbey spac'ul yochibal te scorralile. Te c'alal nax a ju' yu'un Moisés te at'ele,

Éxodo 40:8

Najc'ana te scorralil ta sjoyobal. Jojc'ana te smajq'uil pac' ta yochibal te corrale.

Éxodo 26:1

“Pasa Nailpac' Templo ta lajunlijc' lino-pac' te lec ts'otbile, jalbil me ta stsotsil chij bonbil ta morada, púrpura soc tsaj. T'ujbil me xch'alil ta ts'isel sloc'ombail tey a te querubinetique.

Éxodo 38:10

La yac'bey jtab yoyal soc jtab yiptajib pasbil ta bronce. La slucanlabey staq'uinal soc xch'ocowil ta plata.

Números 4:26

te paq'uetic yu'un te scorralil, te smajq'uil pac' ta yochibal te corral ay ta sjoyobal te Nailpac' Templo soc te scajtijib ta chiq'uel majt'anil, te bitic ya xchuquic a te corral, soc spisil te sbiluquil te ya xtuun ta pasel te bila ya sc'an ta swenta te yat'ele.

Números 3:26

te paq'uetic yu'un te scorralil, te pac' yu'un te yochibal corral te joybil tel ta spat te ch'ul awilal, soc te scajtijib smajt'an, soc te bitic ya xchuquic a soc spisil te bitic ya xtuun yu'une.