Éxodo 38:25 - Bible in Tzeltal de Oxchuc y Tenejapa

²⁵ Te plata te la yich' tsobel te c'alal la yich' pasel te censo ta stsojbolic, loc' ta spisil oxmil soc balunlajuneb swaclajunwinic kilo soc jo'eb sjucwinic xcha'bajc' gramo te yalale, (3,319 kilo soc 525 gramo), jich te bit'il albil sc'oplal te sp'isol yalal ta ch'ul awilal.

Bible in Tzeltal Bachajón

²⁵ Te plata te la yich' tsobel yu'un te mach'atic ochemic ta censo yu'un te pueblo, ay ho'winic (100) talento soc ho'lajuneb sbalunwinic yo'bahc' (1,775) siclohetic yalal, hich te bin ut'il te ciclo yu'un te ch'ul awilal;

Éxodo 38:25 Referans Kwoze

Éxodo 30:12

—Te c'alal ya awac' ta censo te israeletic, juju-jtul me ya yac'bonic taq'uin swenta stojol xcuxlejal ta jtojol jo'on te Ajwalilon, swenta yu'un jich me ma xlajic. Jich me ma'yuc tulan chamel swenta lajel ya xtal ta stojolic ta scaj te censoe.

Éxodo 30:11

Te Cajwaltic la sc'opon te Moisés, jich la yalbey:

Números 1:2

—Ac'a ta censo spisil te israeletic ta chajbalchajp sts'umbal soc ta chajbalchajp snaic, swenta yu'un ya me xna'baj sbiilic soc yajtalul ta lec spisil te winiquetic

Números 26:2

—Ac'aic ta censo spisil ta chajbalchajp te israeletic te ayic ta jtab ya'wilalic baele, te ya sna'iquix guerra —xi' te Cajwaltique.

Éxodo 30:16

Tsobeya te plata ya yaq'uic yu'un xcuxlejalic te alumal israeletique. Ya me awac' te ya xtuun yu'un te bila ay ta pasel a te Nailpac' te bay ya quich' c'oponele. Jo'on Ajwalilon, jich me ya jna' a te israeletic, soc tey me ya jna' a te la yac' te taq'uin yu'un te xcuxlejalique —xi' te Cajwaltique.