Éxodo 38:21 - Bible in Tzeltal de Oxchuc y Tenejapa

²¹ Ta swenta smandal te Moisés soc te jtsobwanej Itamar snich'an te sacerdote Aarón, te levitaetic la yich' ajtayel te jaychajp taq'uinetic te pastaj a te Nailpac' yu'un trato.

Bible in Tzeltal Bachajón

²¹ Hich ay yipal te bintic tuhun yu'un te Nahilpac' Templo, ha te nahilpac' yu'un te Testigo-c'op, te la yich' ahtayel ta scuenta smandar Moisés te la spasic te levitahetic te ha cuentahimbil yu'un Itamar snich'an te sacerdote Aarón.

Éxodo 38:21 Referans Kwoze

Hechos 7:44

“Te c'alal ay ta muc'ul jochol taquin q'uinal te antiguo tatiletic cu'untique, yich'ojic te nailpac' yu'un te tratoe. Jich la yich' pasel te bit'il la yal Dios ta stojol te Moisés te ac'bot yil seña te bi yilel ya spase.

2 Crónicas 24:6

Jich yu'un te muc' ajwalil la yic' tel te muc' sacerdote Joiada, jich la yalbey: —¿Bi yu'un ma'yuc sc'oplal ta awo'tan te yacuc yich'ic tel levitaetic ta Judá soc ta Jerusalén te spatanic, jich te bit'il la yal mandal Moisés te yabat Cajwaltic ta stojol spisil te israeletic te ya yac' spatanic yu'un te Nailpac' yu'un te trato? —xi' te muc' ajwalile.

Números 10:11

Te jtab c'aal yajtalul a te xchebal u yu'un te xchebal ja'wil, jajch' loq'uel te tocal ta sba te Nailpac' yu'un te tratoe.

Números 9:15

Te bi c'aalil najc'aj yu'unic te ch'ul awilal, ja' te Nailpac' yu'un trato, mucot ta tocal. Ta yijc'ubel q'uinal chicnaj ta sba te ch'ul awilal jich bit'il c'ajc' yilel, sjunal ajc'ubal ja' to c'alal sacub tel.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

Números 1:50

Te levitaetic ya me awac'bey swentainic abatinel ta ch'ul awilal yu'un trato. Ya me swentainic te bitic ay ta pasel ta xch'uunel Dios tey a, soc spisil bitic yu'un te ch'ul awilal. Ja'ic me ya yat'elinic sq'uechel bael te Nailpac' Templo soc spisil te sbiluquil, soc spisil te bitic ay ta tuuntesel tey a. Tey me ya xc'o yac' snailpaq'uic ta sjoyobal te ch'ul awilal.

Números 18:2

Ja'uc me to, ya me awac'bey ta swentaic te yantic sts'umbal Leví, te ayat ta swenta, te ya scoltayat soc anich'nab ta spasel awat'el ta Nailpac' yu'un trato.

Éxodo 6:23

Te Aarón nujbin soc Elisabet te yantsil-nich'an Aminadab, ja' xwix te Naasón. Ayin snich'nab Aarón, ja' te Nadab, Abiú, Eleazar soc Itamar.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

2 Pedro 1:13

Te bit'il cuxulon toe, ay ta jwenta te ya jtac'uyexe.

Hebreos 9:11

Ja'uc me to, xtaluquix te Cristoe, ja' te Muc' Sacerdote cu'untic te swentainej te utsilal te ya yac'botic ta patile. Te templo te banti yac ta at'el ta sacerdoteile c'axem to xan lec soc c'ax jich ay yutsilal stuquel te bit'il ay te sbabiale. Melel ma pasbiluc ta sc'ab ants-winiquetic stuquel, ja' bi ma ja'uc te bitic pasbil ta balumilale.

Hebreos 8:2

Soc tey ayix ta at'el ta sacerdoteil ta bay te mero templo te pasbil yu'un te Cajwaltique, te ma ja'uc la spas te ants-winiquetique.

2 Corintios 5:1

Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

San Mateo 17:4

Jich te Pedroe la yalbey te Jesuse: —Cajwal, ¡buen lec te li' ayotic to! Teme ya ac'ane, ya jpastic oxwol nailwamal. Jun awu'un te ja'ate, jun yu'un te Moisese, soc jun yu'un te Eliase —xi'.

Salmos 15:1

Cajwal, ¿mach'a ya xju' ya x'ain ta ch'ul templo awu'un? ¿Mach'a ya xju' xnain ta ch'ul wits awu'un?

Job 26:1

La sjac' xan te Job, jich la yal:

Job 22:23

Teme ya sujt'at ta stojol te Mach'a Spisil ya xju' yu'un, teme ya apejc'an aba ta stojole, soc teme ya aloq'ues te bila amen ta ana,

Job 11:4

Ja'at ya awal te buen toj te nopjibal awu'une, soc ja'at nix ya awal aba te ma'yuc bila amulineje.

1 Crónicas 6:3

Te snich'nab Amram, ja'ic te Aarón, Moisés soc María. Te snich'nab Aarón, ja'ic te Nadab, Abiú, Eleazar soc Itamar.

Números 24:5

¡Jacob, t'ujbil te nailpaq'uetic awu'une! ¡T'ujbil te campamento yu'un Israel!

Éxodo 40:3

Te scajonil trato ac'a me ta mero yutil. T'imana c'axel te pac' te ya stsal ta olil te Nailpac' Templo.

Éxodo 26:33

Jojc'ana tey a soc te staq'uinale. Jich yu'un te scajonil trato tey me ya awac' ochel ta yutil te tsalbil ta paq'ue. Jich tsalbil ya xjil te Ch'ul Awilale, soc jtsal me ya xc'ot te Mero Ch'ul Awilale.

Éxodo 25:16

Ac'a ochel ta yutil cajón te mandalil ya cac'bate.

Apocalipsis 15:5

Patil la quil jam te nailpac' templo yu'un Dios te ay ta ch'ulchane, te banti q'uejbil te trato yu'un te Diose.

Éxodo 38:20

Spisil te estacaetic yu'un te Nailpac' Templo soc ta sjoyobal te scorralil pasbil ta bronce.

Éxodo 38:22

Te Bezaleel snich'an Urí, te smam Hur, ja' te sts'umbal Judá, ja' la spas spisil te bila mandal la yal Moisés te la yich' pasele.