Éxodo 38:18 - Bible in Tzeltal de Oxchuc y Tenejapa

¹⁸ Te pac' ta yochibal te corral mero t'ujbil ch'albil ta ts'isel ta naubil stsotsil chij te bonbil ta morada, púrpura soc tsaj, soc ts'otbil linoe. Ay baluneb metro te snajt'ile, cheb metro soc jo'eb xcha'winic centímetro (2.25) te stoylejale, ja' pajal soc spac'al te corrale.

Bible in Tzeltal Bachajón

¹⁸ Te pac' ta yochibal te amac' t'ujbil ch'albil ta ts'isel ta yax, chi'in-yax soc tsajal estambre, soc ts'otbil lino; ha jtahb (20) xuhc'ubil snahtil soc ho'eb xuhc'ubil stoyolil, pajal soc spac'al te amac'.

Éxodo 38:18 Referans Kwoze

2 Crónicas 3:14

Soc la spas pac' ta morada, ta púrpura, soc ta lino te ya smac ta olilal na. La yac' ta ch'alel ta ts'isel sloc'ombail tey a te querubinetique.

Éxodo 26:1

“Pasa Nailpac' Templo ta lajunlijc' lino-pac' te lec ts'otbile, jalbil me ta stsotsil chij bonbil ta morada, púrpura soc tsaj. T'ujbil me xch'alil ta ts'isel sloc'ombail tey a te querubinetique.

Éxodo 26:36

“Ya me apasbey smajq'uil pac' ta yochibal te Nailpac', jalbil me ta stsotsil chij bonbil ta morada, púrpura soc tsaj, soc te lequil ts'otbil linoe. Buen lec me ya yich' ch'alel ta ts'isel.

Éxodo 38:17

Te yiptajib oyetic la spasbey ta bronce. Te staq'uinal la slucanlabey ta yoyal soc te ch'ocowiletic la spasbey ta plata. Ta sjol te oyetic la spac'bey ta potsel ta plata. Spisil te oyetic yu'un te scorralil la spasbey ta plata te ch'ocowetic yu'une.

Éxodo 38:19

La yac'bey chaneb yoyal soc chaneb yiptajib ta bronce. La slucanlabey staq'uinal soc xch'ocowil ta plata. Te sjol oyetic la spac' ta potsel ta plata.