Éxodo 37:9 - Bible in Tzeltal de Oxchuc y Tenejapa

⁹ Jich la yil sbaic jujun; ja'uc me to, la yac'bey stinan sbaic coel ta yilel te yawil perdone. Te xiq'uique la yac'bey slich' sbaic, yu'un yac ta yac'beyel yaxinal yilel te yawil perdone.

Bible in Tzeltal Bachajón

⁹ Te querubinetic slich'oj mohel xiq'uic ta yaxintesel te yawil stahel perdón; snuhp'usitayej sbahic, yaquic ta yilel te yawil stahel perdón.

Éxodo 37:9 Referans Kwoze

1 Pedro 1:12

Ja'uc me to, Dios ac'bot sna'ic stojol yu'un te bit'il ma ja'uc ya xc'ot ta swentaique, yu'un ja' me ya xc'ot ta jwentatic jo'otic. La spucbeyic sc'oplal te bila la jcholbeyex awaiyic sc'oplal ta ora to, ja' te lec yach'il c'op ta swenta yu'el te Ch'ul Espíritu te ticunbil tel ta ch'ulchane. Spisil in to toyol yo'tanic yu'un uuc te ch'ul abatetic te yacuc x'ac'bot yilique.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

San Juan 1:51

Jesús la yalbey xan: —Jamal ya calbat, ya me awil jamal te ch'ulchane soc ya me awil te ch'ul abatetic yu'un Dios te coel moel ta stojol te Nich'anile —xi' te Jesuse.

Isaías 6:2

Ay serafínetic ayic ta sba, te jich yilel bit'il c'ajc'. Ay waqueb xic' jujun: cheb xic' ya smac yelawic a, cheb ya smac coel sbaq'uetalic a, soc cheb ya xwilic a.

Éxodo 25:20

Ya me awac'bey yil sbaic soc ya me awac' stinan sbaic coel ta yilel te yawil perdone. Te xiq'uique ya me awac' slich' sba, ja' me ya yac'beyic yaxinal a te yawil perdone.

Génesis 28:12

Ta swaich la yil ay jun tejc'abal jajch'em ta lum, te sbae c'oem c'alal ta ch'ulchan. Yacal ta moel coel te ch'ul abatetic yu'un Dios tey a.

Génesis 3:24

Jich a loq'uesot ta awalts'unubil te ants-winique. Ta stojol sloq'uib c'aal Dios la yac' querubinetic, soc ay puñal yac ta tilel tey a te bayuc nax ya sjimulay sba, swenta yu'un ma me ayuc mach'a ya xc'ot ta banti ay te te' ya yac' cuxinele.

Éxodo 37:8

Te yawil perdón jun nax la spas loq'uel soc te cheb sloc'ombail querubinetic. Jun la stejc'an loq'uel ta jejch' sti'il, soc jun ta yan sti'il te yawil perdone.

Éxodo 37:10

Te Bezaleel la spas jun mesa ta acacia. Lajuneb yo'winic (90) centímetro sp'isol te snajt'il, jo'eb yoxwinic (45) centímetro te sjamalul, soc jo'eb xchanwinic (65) centímetro te stoylejale.

1 Reyes 6:27

Te Salomón la yac' ta Mero Ch'ul Awilal. Te sloc'ombail querubinetic slich'oj te xiq'uique. Ja' yu'un te xic' te june staoj ch'ujt' pajc'; te xic' te yane staoj te yan jejch' ch'ujt' pajq'ue. Te yan xchebal xiq'uic staoj sbaic ta xchebalic ta olil ta spajc'ul te Mero Ch'ul Awilale.