Éxodo 37:5 - Bible in Tzeltal de Oxchuc y Tenejapa

⁵ La xij c'axel ta ch'ocowetic ta juju-jejch' te cajón, swenta yu'un ya sq'uechic bael a.

Bible in Tzeltal Bachajón

⁵ la sohltesbe ta ch'ocowetic ta jujujehch te scaxahul te chapbil-c'op yu'un ya yich' q'uechel bahel a.

Éxodo 37:5 Referans Kwoze

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Números 1:50

Te levitaetic ya me awac'bey swentainic abatinel ta ch'ul awilal yu'un trato. Ya me swentainic te bitic ay ta pasel ta xch'uunel Dios tey a, soc spisil bitic yu'un te ch'ul awilal. Ja'ic me ya yat'elinic sq'uechel bael te Nailpac' Templo soc spisil te sbiluquil, soc spisil te bitic ay ta tuuntesel tey a. Tey me ya xc'o yac' snailpaq'uic ta sjoyobal te ch'ul awilal.

Éxodo 37:4

La spasbey sq'uechjibal ta acacia, la spac'bey ta potsel ta oro.

Éxodo 37:6

La spasbey smajq'uil ta mero lequil oro ta bay ya jtatic perdón. Jun metro soc lajuneb centímetro sp'isol te snajt'il, jo'eb xchanwinic (65) centímetro te sjamalule.

1 Reyes 8:8

Pero te sc'atal te'ele mero najt', melel ya xchicnaj ta ilel sni'il c'alal ta Ch'ul Awilal, ta yelaw te Mero Ch'ul Awilale, manchuc me ma ba chican ta ilel ta spat. Jich ay c'alal ora to.