Éxodo 36:1 - Bible in Tzeltal de Oxchuc y Tenejapa

¹ “Ja' yu'un te Bezaleel soc te Aholiab ja' me ya sju'tesic ta pasel spisil te bila mandal la yal te Cajwaltique. Ja' me ya sjoin sbaic ta at'el soc spisil mach'atic ay smajt'anic yu'un spasel bitic t'ujbil te ac'bilic sp'ijil yo'tanic yu'un Cajwaltic ta sna'el spasel ta lec spisil te bitic ya xtuun ta na'el Dios a ta bay te Nailpac' Templo —xi' te Moisese.

Bible in Tzeltal Bachajón

¹ Ha yu'un te Bezaleel, Aholiab soc spisil mach'atic ay smahtanic yu'un spasel bintic t'ujbil ta pasel, te ha a'botic sp'ijil yo'tanic yu'un Jehová ta sna'el spasel spisil te bintic ya xtuhun ta ch'ul awilal, ha'ic ya spasic spisil te bin la yal ta mandar te Jehová, xchi te Moisés.

Éxodo 36:1 Referans Kwoze

Éxodo 28:3

Ya me ata ta c'op spisilic te mach'atic ay sp'ijil yo'tanic, ja' te mach'atic cac'ojbeyix smajt'an ta spasele. Ja' me ya spasbeyic sc'u'-spac' te Aarón, jich me ya cu'unin ta abatinel ta sacerdoteil.

Éxodo 39:1

Te c'u'il ta swenta abatinel ta Nailpac' Templo, la yich' jalel ta naubil stsotsil chij bonbil ta morada, púrpura soc tsaj. Ja' nix jich la yich' pasel te t'ujbil c'u'il yu'un Aarón, jich bit'il la yal mandal te Cajwaltic ta stojol Moisés.

Éxodo 25:8

Ya me apasbonic ch'ul awilal, yu'un tey me ya x'ainon ta awolilic.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Hebreos 8:2

Soc tey ayix ta at'el ta sacerdoteil ta bay te mero templo te pasbil yu'un te Cajwaltique, te ma ja'uc la spas te ants-winiquetique.

Salmos 119:6

Jich ma jta q'uexlal ta atojol teme spisil co'tan cat'elinej xch'uunel te mandaliletic awu'une.

Números 7:9

Yan te mach'atic sts'umbal Coat ma la yich'ic carreta stuquelic, ni toro, melel te ch'ul biluquetic ya yich'ic baele, puersa ya scajanic bael ta snejq'uelic stuquelic.

Éxodo 36:2

Te Moisés la yic' tel te Bezaleel soc te Aholiab, soc spisil te mach'atic ac'bil smajt'anic ta spasel te bila t'ujbil, te ja' ac'biliquix yu'un te Cajwaltique. Spisil talic ta coltaywanej ta spasemal yo'tanic yu'un te at'ele.

1 Reyes 7:14

Te Hiram, yal jtul me'ba ants, sts'umbal Neftalí, yan te state, ja' slumal te Tiro. Ya sna' lec at'el ta bronce. Te Hiram mero ma'yuc bi wocol la yaiy, mero bayal sp'ijil yo'tan yu'un at'el ta bronce. Ya sna'bey swentail te bit'il ay ta tuuntesel te bronce, soc ya sna' spasel biluc at'elil. Jich c'ot ta stojol te muc' ajwalil Salomón, la spasbey spisil te yat'ele.

1 Crónicas 28:21

Tey me ay a te sacerdoteetic soc te levitaetic te ya sjel sbaic ta abatinel ta templo, toyol me yo'tanic yu'un. Ta spisil te at'el ay me mach'atic ya scoltayat ta spasel, mach'aticuc nax a te spasemal yo'tanic, te ya sna'ic spisil bitic ay ta pasele. Te jtsobwanejetic soc spisil te lume, ya me xch'uunbat te amandale —xi' te David.

Éxodo 12:28

Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.

Éxodo 31:11

te aceite swenta ch'ultesel, soc te pom te buen bujts'an yic' te ya yich' chiq'uel ta ch'ul awilal. Ja'ic me ya spasic ta spisil jich te bit'il calojbat mandal —xi' te Cajwaltique.

Éxodo 38:23

Ja' coltayot yu'un te Aholiab snich'an Ahisamac te sts'umbal Dan. Ja' la sna' stenel taq'uin, jalab, soc xch'alil ta ts'isel naubil stsotsil chij te bonbil ta morada, púrpura soc tsaj, soc t'ujbil lino.

1 Crónicas 2:20

Ja' snich'an Hur te Uri; ja' snich'an Uri te Bezaleel.